Ulytaýdyń tańǵajaıyp tabıǵaty

Dmıtrıı Rýgıs Ulytaýdy aty ańyz­ǵa aınalǵan ólke ǵana emes, ta­bıǵaty tańǵajaıyp atyrap dep te esepteıdi.

– Bul aımaqtyń tabıǵaty ár­alýandyǵymen tańdaı qaqtyrady. Soltústigindegi kólderde qoqıqaz uıa salady. Ońtústiginde – Betpaqdala qumdary. Soltústik-Batysynda tań­ǵajaıyp Aqjar borly taýlary, ózen­niń tereń arnalary bar. Orta tu­synda taýlar tizbegi oryn tepken. Bul dalanyń áıgili taýlarynyń biri Áýlıetaý álemge tanymal Ararat, Kaılas, Kılımandjaro sııaqty alyptarmen teńese alady, – deıdi ol.

Dmıtrıı Rýgısti Ulytaýmen bel­gili fotograf Erbolat Shadrahov ta­nystyrǵan eken. Osy jerde ol jer­gilikti murajaı-qoryqtyń dırektory Baqtııar Qojahmetovpen kezdesip, ekeýiniń arasynda yntymaqtastyq qa­rym-qatynas ornaǵan.

Atalǵan qoryqta murajaı fotografy bolyp qyzmet ete júrip ol National Geographic Qazaqstan, «Ve­ter stranstvıı» jáne «Vokrýg sveta» gazet-jýrnaldaryna arnap ma­qa­lalar jaza bastaǵan. Nomad Explorer kompanııasynyń basshysy Marǵulan Seısembaımen tany­syp, búkil Qazaq­stan boıynsha uı­ymdastyrylǵan eks­pedısııalarǵa qa­tysty.

Qazirgi tańda Dmıtrıı Rýgıs óte tabysty fotosýretshi. Onyń foto­sýretteri «Jezkıik», «Ońtústiktiń ańyz­dary», «Pamır traktisi» fotoalbomdaryn shyǵarýǵa negiz bolǵan. Búginde bul eńbekterge degen suranys óte joǵary. Jaqynda sheberdiń «Kıeli Ulytaý» fotojazbasy baspadan shyqty.

Fotosýretshiniń Ulytaýdy meken etken adamdarǵa degen qurmeti zor. Olardyń qonaqjaılyǵyn, tipti kúndelikti kıimderindegi qazaqy oıý-órnekteriniń erekshelikterine deıin aýzynan tastamaı aıtyp otyrady.

– Dál osy úshin týrıster bul aı­maqqa keledi. Olarǵa sonshalyqty jaı­­lylyqtyń qajeti de joq. Saıa­hat­shylar bizdiń zamanymyzǵa jetken ejelgi dástúrler men qolónerdi kórgisi keledi. Ulttyq naqyshty sezinip, tarıh pen tamasha sulý tabıǵattyń tylsymyna shomýdy qalaıdy. Jalpy Ulytaýdyń bolashaǵy zor, – deıdi fotosýretshi.

Aldaǵy ýaqytta Dmıtrıı Rýgıs elimizdiń biregeı jáne tarıhı ma­ńy­zy bar jerleriniń fotosýretter mu­raǵatyn jınaǵysy keledi. О́zi áli bolyp kórmegen Jońǵar Alataýyna barýdy armandaıdy.

Dmıtrıı Rýgıstiń fotografııa ónerimen aınalysqanyna on jyldaı bolǵan. Búginde ol belgisiz áýesqoı fotograftan National Geographic Qazaq­stan jýrnaly men Nomad Explorer saıahatshylar birlestiginiń tanymal beınogra­fy, ólketanýshysy jáne fo­to­sýretshisine aınaldy. Qazir ol TEFA Eurasiaphoto shyǵarmashylyq bir­lestigin basqarady jáne Qazaq Geo­­grafııalyq qoǵamynyń belsendi mú­shesi.

QARAǴANDY