«Qalanyń tarıhı bóligi kıeli mánge ıe ekeni barshaǵa málim. Bul jerde ǵylymı derekterge sáıkes 21 hannyń, 8 sultannyń, 23 bıdiń, 59 batyrdyń súıekteri jerlengen. Jánibek, Jáńgir, Esim, Táýke, Abylaı, Ábilhaıyr handardyń, sondaı-aq, qazaq tarıhyndaǵy ataqty Qaz daýysty Qazybek bı, Shoń bı, Toraıǵyr bı, Bógenbeı batyr sııaqty basqa da tulǵalardyń beıitteri ornalasqan. Bul tulǵalar kóptegen jaǵdaılarda tek qazaq halqynyń ǵana emes, jalpy túrki álem tarıhynyń qalyptasýynda sheshýshi ról atqarǵan. Qazaqstannyń táýelsizdik jyldarynda tarıhı mádenı mura obektilerin zerdeleý, saqtaý jáne olardy tanymal etý mańyzdy», dedi A. Raıymqulova «Túrkistan – Túrki áleminiń rýhanı astanasy» halyqaralyq onlaın-konferensııasynda.
