«Saıranbek Soltanbekuly Barmaqov «QazAvtoJol» ulttyq kompanııasynyń Almaty oblystyq fılıalynyń dırektory bolyp taǵaıyndaldy», delingen IIDM habarlamasynda.
Saıranbek Barmaqov 1963 jyly Shyǵys Qazaqstan oblysynda dúnıege kelgen. О́skemen jol-qurylys ınstıtýtyn bitirgen. Mamandyǵy - ınjener-mehanık.
Eńbek jolyn 1986 jyly mehanık, Taldyqorǵan oblysy Býyrlytóbe aýdandyq avtojol jóndeý mekemesiniń bas ınjeneri bolyp bastaǵan.
1991 jyldan 2006 jylǵa deıin Qapal PJB bastyǵy, «Taldyqorǵan joldary» AQ basshysynyń orynbasary, «DEÝ-25» JShS dırektory qyzmetterin atqardy.
2006 jyldan 2008 jylǵa deıin - QR Kólik jáne kommýnıkasııa mınıstrliginiń bólim bastyǵy;
2008 jyldan 2013 jylǵa deıin - QR Kólik jáne kommýnıkasııa mınıstrligi Avtomobıl joldary komıtetiniń Shyǵys Qazaqstan oblystyq departamentiniń dırektory.
2013 jyly - «Shýche shıpajaıy» AQ bas dırektorynyń orynbasary.
2014 jyly «Qazaqavtojol» RMK bas dırektorynyń orynbasary qyzmetin atqardy.
2014 jyldan 2015 jylǵa deıin - QR Investısııalar jáne damý mınıstrligi Avtomobıl joldary komıteti tóraǵasynyń orynbasary.
2015 jyldan 2019 jylǵa deıin - QR Investısııalar jáne damý mınıstrligi Avtomobıl joldary komıteti tóraǵasynyń orynbasary.
2019 jyldyń aqpan aıynan bastap QR Indýstrııa jáne ınfraqurylymdy damytý mınıstrligi Avtomobıl joldary komıtetiniń tóraǵasy bolyp qyzmet etti.
Aıta keteıik, 22 sáýirde «QazAvtoJoldyń» jańa basshysy taǵaıyndaldy. Bul laýazymǵa Asqar Maratuly keldi.
Buǵan deıin Qasym-Jomart Toqaev Úkimetke respýblıkalyq jáne jergilikti mańyzy bar avtomobıl joldarynyń jaǵdaıyn jaqsartý boıynsha keshendi sharalar qabyldaýdy tapsyrǵan.
