Ol aýrý órshigen tusta aldymen medısınalyq maska kııý qatań saqtalýy kerektigin eskertti. Máselen, qoǵamdyq úı-jaılarda, qoǵamdyq kólikte 5 jasqa deıingi balalardy qospaǵanda qoǵamdyq tamaqtaný oryndarynda betperde kııý talaptary oryndalýy tıis eken. Al, «qyzyl» aımaqqa enýge baılanysty mektepterdegi 1-8 jáne 10 synyptyń oqýshylary onlaın formatta oqýǵa kóshiriledi.
«Shekteý sharalaryna baılanysty Taraz qalasynda ózgerister kóp bolady. Máselen, oıyn-saýyq, sporttyq is-sharalardy, kórmelerdi, forýmdardy, konferensııalardy, sondaı-aq, otbasylyq, saltanatty, estelik is-sharalardy ótkizýge, senbi jáne jeksenbi kúnderi saýda-oıyn-saýyq ortalyqtarynyń, saýda úıleri men jelileriniń (onyń ishinde onda ornalasqan azyq-túlik sýpermarketteri men dárihanalardy qospaǵanda) jumysyna, jeksenbi kúnderi ashyq bazarlardyń (azyq-túlik, azyq-túlik emes) jumysyna, senbi jáne jeksenbi kúnderi jabyq bazarlardyń (azyq-túlik jáne azyq-túlik emes), saýnalardyń, basseınderdiń, sport keshenderiniń, sporttyq-saýyqtyrý ortalyqtarynyń jáne fıtnes-ortalyqtardyń jumysyna tyıym salyndy», dedi Baǵlan Qydyrbaev.
Sondaı-aq, ol mádenıet nysandary da túrli sharalaryn shekteıtinin aıtty. Máselen, teatrlardyń, kınoteatrlardyń, konsert zaldarynyń qyzmetine de toqtaý salynady. Oıyn-saýyq oryndary da jumys barysyn toqtatady.
Iаǵnı, karaoke, banket zaldary, bılıard, kompıýterlik klýbtar, túngi jáne oıyn klýbtary, boýlıngter jumys istemeıdi. Balalardyń oıyn-saýyq ortalyqtary, onyń ishinde oıyn alańdary, jabyq úı-jaılardaǵy attraksıondar, batýttar da óz qyzmetin toqtatady.
«Sanıtarlyq talaptardy saqtaı otyryp, saǵat tańǵy 07.00-den keshki 23.00-ge deıin sýpermarketter men gıpermarketterdiń qyzmet etýine ruqsat. Qoǵamdyq tamaqtandyrý nysandarynyń qyzmeti saǵat 09.00-den 20.00-ge deıin ǵana. Sonymen qatar, saǵat 07.00-den bastap saǵat 05.00-ge deıin qoǵamdyq tamaqtaný nysandary men fýd korttardyń qyzmetine tek jetkizýge jáne áketýge ruqsat beriledi. Al, aýdany 2000 sharshy metrge deıingi azyq-túlik emes jeke turǵan dúkenderdiń qyzmetine shekteý joq. Keńse, uıym qyzmetkerlerin 80 paıyz qashyqtyqtan jumys isteýge kóshirý, 20 paıyz kúndizgi rejımge aýystyrý júrgizilmek. Halyqqa qyzmet kórsetý ortalyqtarynyń, bankterdiń, «Qazpochta» AQ bólimsheleri saǵat 9.00-den 18.00-ge deıin qyzmet kórsetedi», deıdi ol.
Aıta keteıik, jańasha túrlengen №2 qaýlyny 16 sáýir kúni oblystyń Bas memlekettik sanıtarııalyq dárigeri qabyldady.
