Jańa týǵan ıagýardyń anasy Momyn 2010 jyly Almaty haıýanattar baǵynda týǵan, ákesi Vasılıı 2014 jyly zoobaqqa Novosıbırskiden ákelingen.
«Momyn men Vasılııdiń tuńǵyshtary 2019 jyly týǵan bolatyn. Esterińizde bolsa, Aýstralııa qurlyǵynda alapat órt bolyp, sol oqıǵaǵa janashyrlyq tanytyp, qoldaý retinde arnaıy baıqaý jarııalap oǵan Aýstralııa degen at bergenbiz. Ol anasyna uqsap teńbil bolyp týdy. Endi olardyń jaqynda ǵana, 17 naýryz kúni dúnıege kelgen inisi ákesine uqsaǵan-qara», delingen habarlamada.
Zoobaq qyzmetkerleriniń habarlaýynsha ıagýar kúndelikti 3 keli et jeıdi. Qazirgi tańda ıagýardyń anasynyń tamaqtaný rasıony 4,5 kelige kóbeıgen.
