«Ashyq» – bul el ishinde COVID-19 vırýsyn juqtyrý jáne taralý úrdisine barynsha tosqaýyl bolyp, azamattardyń qaýipsizdigin qamtamasyz etýge baǵyttalǵan, karantındik shekteýler kezinde bıznestiń damýyna múmkindik beretin mobıldik qosymsha. IT-qoǵamdastyq jasaǵan bul qosymshaǵa bıýdjetten qarjy shyǵyndalǵan joq.
Qosymsha eshqandaı jeke málimetterdi saqtamaıdy, tek qana QR Densaýlyq saqtaý mınıstrliginiń PTR bazasynan qoldanýshynyń mártebesi týraly aqparat alady.
Onyń ústine, «Ashyq» qosymshasy «elektrondyq úkimettiń» aqparattyq-kommýnıkasııalyq operatory - «Ulttyq aqparattyq tehnologııalar» AQ-nyń serverlerinde qaýipsizdik sharalarymen qamtamasyz etilgen. Bul turǵyda aqparattyq qaýipsizdik qatań qadaǵalanady. Sondaı-aq QR «Aqparattandyrý týraly» zańyna sáıkes aqparattyq júıe 1 jyl boıy tájirıbelik qoldanysta bolýy tıis, sosyn aqparattyq qaýipsizdik synaǵynan ótip, kúndelikti keń qoldanysqa engiziledi. Iаǵnı qazirgi tańda «Ashyq» qosymshasy tájirıbelik qoldanysta, pılottyq tártipte júzege asyp jatyr.
Byltyr «Ashyq» qosymshasy Qazaqstannyń birneshe qalasynda pılottyq tártipte iske qosyldy. Qoldanýshylar men jobaǵa qatysýshylardyń pikirlerin eskere otyryp, keıbir tehnıkalyq aqaýlyqtar jóndeldi. Jalpy, jobaǵa qatysýshylar qosymsha týraly jaqsy pikir bildirip jatyr. Qosymshany synaý barysynda 800-den astam adamnan COVID-19 oń nátıjesi anyqtalyp, bıznes nysandarynyń klıentterine qaýipsiz orta qalyptastyrýǵa múmkindik jasaldy. Sáýirdiń basynda Prezıdent Qasym-Jomart Toqaev Úkimetke bul jobany el boıynsha engizýge tapsyrma berdi;
Qazir qoldanýshylardyń usynys-pikirlerine oraı «Ashyq» qosymshasy únemi jańartylyp jatyr. Búgin 28 sáýirde tehnıkalyq turǵyda jetildirilgen, ónimdiligi joǵary, sheteldik azamattardyń da PTR mártebesin tekserý fýnksııasy bar jańa nusqa iske qosyldy.
Qoldanýshynyń aǵymdaǵy mártebesin ashyq.kz veb-resýrsynan tekserýge bolady. Qazir osy paraqshany derektermen toltyrý, «Ashyq» qosymshasynyń sıpattamasy týraly bólimder jasaý, jıi qoıylatyn suraqtarǵa jaýap berý, tehnıkalyq qoldaý bóliminiń baılanys telefondaryn engizý jumystary júrip jatyr. «Ashyq» jobasyna qatysýshylardyń tizimin ákimdikterdiń jáne «Atameken» AKP saıttarynan kórýge bolady.
Aıta keteıik, mundaı IT-sheshimder halyqaralyq tájirıbede keńinen qoldanylady. Máselen, Birikken Arab Ámirlikterinde COVID-19 - DXB Smart App mobıldik qosymshasy bolsa, Malaızııa úkimeti COVID-19 indetiniń qarqynyn baqylaıtyn qosymsha jasap shyǵardy.
