Reıtıngte 30-satydaǵy Iý.Pýtınseva álemniń 18-inshi, osy dodanyń 15-raketkasy, ulybrıtanııalyq Iohanna Kontadan aılasyn asyra almady – 4:6, 2:6. Báseke bir saǵat otyz mınýt ýaqytqa sozyldy.
Al dúnıejúzilik reıtıngte 725-orynda turǵan Qazaqstan áıelder quramasynyń kapıtany Iа.Shvedova álemniń 25-raketkasy, Týnıs ókili Ons Jabermen kezdesti. Bir saǵat 15 mınýtqa sozylǵan matchta týnıstik tennısshi 6:2, 6:3 esebimen jeńiske jetti.Osylaısha júlde qory 2,5 mln eýrodan asatyn Madrıd jarysy qazaqstandyqtar úshin sátsiz bastaldy.
Endigi bar úmit Qazaqstannyń birinshi, álemniń 22-raketkasy Elena Rybakınada. Ol erteń negizgi týrnırge irikteý saıystarynan keıin qosylǵan, reıtıngte 78-oryndaǵy aýstralııalyq Aıla Tomlıanovıchpen kortqa shyǵady.
