Nege men bul mamandyqty tańdadym?
2008 jyly oqýdy aıaqtap kelgen soń, birden aýyldaǵy balabaqshaǵa jumysqa ornalasyp, osynda alǵash jumysymdy perishte balalarmen bastadym. Balalyq kezimde men barǵan balabaqshanyń tárbıeshileri bizge meıirimdi kózben qarap, tańerteń bizdi árqashan kúle qarsy alatyn. Sondyqtan men óz tárbıeshime uqsaǵym kelip, osy bala baqshada qalýdy tańdadym.
Balalarǵa bergen tárbıemde men ózimdi óz tárbıeshimdeı sezinip, esime alamyn. Osy úlken jetistikpen, keń júregimmen, balabaqshanyń esiginen attaǵan balalardy árqashan qushaǵymdy asha qarsy aldym. Osy ýaqytqa deıin bir sátte bul men úshin emes dep oılaǵan emespin.
Men baqyttymyn!
О́tkeni men barlyq jylýymdy jan –tánimmen balalarǵa beremin. Árqashan ózimniń nátıjeli jemisimdi balalardyń jetistikterine qarap kóremin. Balalardyń balabaqshaǵa kelgende «Sálemetsiz be!» dep durys aıtyp, ózderin durys ustaýǵa jasaǵan jumystaryna qol soǵyp, dostaryn qarsy alǵanǵa ne jetsin. Olar bı bılep, taqpaq, óleń aıtyp maqtanyshpen kórsetip jatady. Osylaısha keıde balalar meniń de eńbegimdi kórsetedi. Balalar jumysyma degen qushtarlyǵymdy arttyra túsedi, óz bilgenimdi olarǵa jetkizýge sebepshi bolady.
Bul meniń ata –analarmen birselip jasaǵan jumysymnyń nátıjesi dep bilemin.
«Balaly úı – bazar, balasyz úı – mazar» dep tekke aıtpaǵan, Bala bizge qýanysh, baqyt syılaıdy, kúndelikti balabaqshamyzdyń ishinde jarqyn –jarqyn daýystarymen qýantyp jatady.
Meniń balalaqsham – bul meniń januıam, meniń áriptesterim. Osy áriptesterimniń kómegimen maǵan degen senimderiniń arqasynda tárbıeshi bolǵanyma baqyttymyn. Balabaqshadaǵy tájirıbıemdi áriptesterimmen bólisip ári qaraı otyryp kóptegen jaqsy nárselerdi úırenip, jumysqa degen birneshe maqsattar men talaptar qoıý arqyly jumys istep kelemin.
Men úshin bul jumys ómirlik úlken izdenis. Ár ótkizgen kúnimde kem degende bir jańalyq bolyp turady. Bala degen kishkentaı ǵana álem eken. Balanyń oıynda ne bar ekenin bilmeısiń, ol óziniń qylyǵymen, qoıǵan suraqtarynyń artynda bir úlken qupııaly syr jatqanyn túsinesiń.
Meniń baqytym – meniń balabaqsham, meniń balalarym. Balabaqshada jasaǵan jumystarymnyń bári balalar úshin. Ýaqyt óte kele, keshe ǵana balabaqshaǵa aıaqtaryn táı – táı basyp , byldyrlap bal tilimen sóılep kelgen edi, al búgin qarasań mektepke ketip barady!
Elbasy N.Á. Nazarbaev aıtqandaı, damyǵan memleketterdiń qatarynda bolý úshin, biz joǵary bilimdi ult, urpaq tárbıeleýge mindettimiz. Bolashaqtyń urpaǵy qazirgi kezden bastalady. Keleshektiń bilimdi de bilikti azamattary eń birinshi tálim – tárbıeni balalaqshadan alady!
Mine, tárbıeshiniń baqyty, asqaq armany oryndalǵandaı boldy. Búgingi búldirshin – keleshek el bolashaǵyn bastar. О́z eńbegimdi, bilimimdi, júrekten shyqqan jylýymdy tek búldirshinderge ǵana arnaımyn!
Túrkistan oblysy
Túlkibas aýdany
Sastóbe aýyly
MKQK «Qarlyǵash» bala baqshasynyń tárbıeshisi:
Býrlıbaeva Aqmaral Talǵatqyzy.
