Qazaqstandaǵy áleýmettik kásipkerliktiń jaı-kúıi boıynsha qoldanbaly zertteýler júrgizý, sátti keıster jınaý jáne áleýmettik kásiporyndardyń derekter bazasyn qurý, ÚEU-konkýrsqa qatysýshylar úshin oqytý vebınarlaryn ótkizý, sondaı-aq granttyq konkýrs pen jobany kópshilik tanystyrylymdar, BAQ jáne áleýmettik jeliler arqyly aqparattyq súıemeldeý josparlanǵan.
«Jyl qorytyndysy boıynsha qoldaý tapqan jobalardyń kem degende 30%-y ózin ózi qarjylandyrý nemese jergilikti deńgeıde qoldaý arqyly, sondaı-aq osy jobalardy iske asyrý aıasynda turaqty jalǵasatyn bolady dep josparlanýda», dedi Alma Qonarova.
Sondaı-aq baspasóz konferensııasyna Aqparat jáne qoǵamdyq damý mınıstrliginiń Azamattyq qoǵam isteri komıteti tóraǵasynyń orynbasary Gúlbara Sultanova, Azamattyq bastamalardy qoldaý ortalyǵynyń basqarma tóraıymy Lıma Dıas, áleýmettik kásipker Emın Áskerov jáne basqa da sarapshylar qatysty. G.Sultanova óz sózinde memlekettiń áleýmettik kásipkerlikti damytýǵa jáne ony zańnamalyq deńgeıde qoldaýǵa múddeliligin atap ótse, L.Dıas Azamattyq bastamalardy qoldaý ortalyǵy shaǵyn granttar konkýrsynyń barlyq qatysýshysyna ádisnamalyq, konsýltasııalyq jáne aqparattyq qoldaý bóliginde tolyq qoldaý kórsetýge daıyn ekendigine sendirdi. Al Green TAL áleýmettik sheberhanasynyń negizin qalaýshy Emın Áskerov jobanyń barlyq qatysýshysyna konsýltasııalyq kómek kórsetýge daıyn ekenin bildirip, áleýmettik kásipkerlik salasyndaǵy óz tájirıbesi týraly aıtty.
Altynaı TELIBAEVA,
Y.Altynsarın atyndaǵy №159 gımnazııanyń
11-synyp oqýshysy
ALMATY
