«Qurmetti Oljas Omaruly!
Sizdi 85 jasqa tolǵan týǵan kúnińizben shyn júrekten quttyqtaımyn!
Egemen Elimiz əlemdik qaýymdastyq aldynda san salada qarqyndy damýda. Osy oraıda siz Uly Dala eliniń órkendeýine ólsheýsiz úles qosyp kele jatqan aǵzam aqyn, halyqaralyq deńgeıde tanylǵan qaıratkersiz. Uzaq jyldan beri qalam sertin qaltqysyz atqaryp, kóne dáýirlerden bastaý alatyn, ulttyq boıaýy qanyq, jer-jahandaǵy qubylystyń qaı-qaısysyna bıikten qaraıtyn órshil óleńderińizben, qoǵamdyq oıǵa qozǵaý salatyn pikirlerińizben halyqtyń qurmeti men ystyq yqylasyna bólenip kelesiz. Semeı ıadro polıgonyn jabýǵa septesken qajyrly eńbegińiz arqyly Təýelsiz Qazaqstannyń beıbitsúıgish el ekenin tanytýǵa, shet memlekettermen qarym qatynasyn jandandyrýǵa atsalysyp jatyrsyz. Sizdiń elimizdegi ǵylymı tarıhı oıdyń tamyryna qan júgirtken mazmundy shyǵarmashylyǵyńyz ómirsheńdigin joımaq emes.
Aldaǵy ýaqytta da ultymyzdyń abyroıyn asqaqtatyp, mereıin ústem etetin qyzmetińiz jemisti bolsyn. Laıym osy jolda qanatyńyz talmaı, qajyr-qaıratyńyzdyń arta berýine tilektespin.
Osynaý erekshe sətti paıdalana otyryp, Sizge uzaq ǵumyr, zor densaýlyq, qyzmette tabys, otbasyńyzǵa amandyq pen ortaımas nesibe-dəýlet tileımin!», dep jazylǵan quttyqtaý hatynda.
