«Şərəf» (Abyroı) ordeni 2007 jyly quryldy. Orden Ázerbaıjan respýblıkasyna aıryqsha eńbek sińirgen tulǵaǵa ekonomıka, ǵylymı-tehnıkalyq damýǵa, qoǵamdyq-mádenı progreske qosqan úlesi úshin, ǵylym, mádenıet, ádebıet, óner, aǵartý jáne densaýlyq saqtaý salasynda eren eńbegi úshin beriledi. Orden altyn men platınadan jasalǵan segiz qyrly juldyzdan turady.
Ishinde eki dóńgelek bar syrtqysy altyn, ishindegisi platınadan jasalǵan. Atalǵan marapat sheteldikterden - Túrkııa Prezıdenti Súleıman Demırelge, Reseı patrıarhy Kırıllge, Eýropa olımpıada komıtetteriniń prezıdenti Patrık Hıkkıge, Reseı opera ánshisi Tamara Sınıavskaıaǵa, TASS agenttigi bas dırektorynyń birinshi orynbasary Mıhaıl Gýsmanǵa berilgen.
Eske sala ketsek, 18 mamyrda aqyn, jazýshy, memleket jáne qoǵam qaıratkeri, túrkolog, «Semeı-Nevada» qozǵalysynyń kóshbasshysy Qazaqstannyń halyq jazýshysy Oljas Súleımenov 85-ke toldy.
Oljas Súleımenov – XX-XXI ǵasyrlardaǵy asa kórnekti aqyn, búkil álemge óziniń poezııasymen ǵana emes, qoǵamdyq-saıamı qyzmetimen de tanymal tulǵa. Oljas Omaruly ár jyldary Jazýshylar odaǵyn basqaryp, Qazaq KSR kınematografııa jónindegi memlekettik komıtetiniń tóraǵasy, kóp jyl boıy QazKSR Joǵarǵy keńesiniń depýtaty boldy. 1995-2001 jyldary aralyǵynda QR-nyń Italııa, Gresııa, Maltadaǵy Tótenshe jáne О́kiletti elshisi, 2001-2014 jyldary – Qazaqstannyń IýNESKO- daǵy Turaqty ókili boldy.
Oljas Súleımenovtiń mereıtoıy qarsańynda Almatyda «Tanyp – bilip ózimizdi ózgeden, biz kóshemiz ózimizge bet alyp: Oljas jáne mádenıetterdi jaqyndastyrý» atty halyqaralyq ǵylymı konferensııa ótti. Oljas Súleımenovtiń óleńderi men poemalary aǵylshyn, fransýz, nemis, ıspan, cheh, polıak, slovak, bolgar, majar, mońǵol, qyrǵyz, túrik jáne basqa da tilderge aýdarylǵan.
