Jıynda Tamara Dúısenova memlekettik organdar jumysynyń jańa jaǵdaıdaǵy jumys erekshelikteri jáne ótinish berýshilermen jumys sapasyn arttyrýdyń jańa múmkindikteri týraly aıtty. Endi «e-О́tinish» birtutas aqparattyq júıesi arqyly ótinish berýshi dálelder keltirý jáne olardy zerdeleýge qatysý jáne túsinikteme berý, qajetti qujattardy usyný quqyǵyna ıe bolady. Sondaı-aq memlekettik organnan alǵan jaýabyna qanaǵattanbasa, onyń joǵary satyda turǵan organǵa shaǵym keltirýge jáne talap-aryzben sotqa berýge quqyǵy bar. Synyqty syltaý qylyp, bolmashy sebeptermen talap-aryzdardy keri qaıtarý tájirıbesin toqtatý úshin sot ótinish berýshilerge talap-aryzdy durys jazýǵa kómektesetin bolady. Sýdıa «belsendi» jáne «sóıleýshi» bolady, aryzdanýshyǵa múddesin qorǵaýda kómektesedi. Bundaı ózgeris Latvııa, Grýzııa, Moldova, Ázerbaıjan jáne basqa da elderde sátti iske asyrylýda.
«e-О́tinish» qandaı ózgerister ákeledi? О́tinishtermen jumystyń ıdeologııasy ózgeredi, is júzinde azamattardyń kez kelgen ótinishi, onyń quqyqtaryn júzege asyrýǵa baılanysty sot talqylaýynyń máni bolýy múmkin, dáleldemelerdi jınaý boıynsha mindetterdi jaýapker organǵa tolyq júkteıdi, jańa ákimshilik sottar qurylýda jáne sot organdarynyń róli túbegeıli ózgerýde.
Birinshi shildeden bastap kezeń-kezeńmen «e-О́tinishke» ótý bastalady. Azamattardyń ótinishteri memlekettik organdarǵa birtutas aqparattyq júıe arqyly túsetin bolady. Aryzdanýshy óz ótinishiniń qaralý barysyn kórip otyrady. Qaraý merzimi 30-dan 15 kúnge qysqartylady. Qazirgi tańda ortalyq memlekettik jáne jergilikti atqarýshy organdar 100% aqparattyq júıege qosylǵan, el kóleminde qanatqaqty qoldaný bastaldy. Endigi kezekte halyqpen jumys isteý jergilikti bılik organdaryna tikeleı baılanysty bolady.
