«Áziret Sultan» memlekettik tarıhı-mádenı qoryq-mýzeıi baspasóz qyzmetiniń habarlaýyna qaraǵanda, jádiger-shyraǵdannyń poshymy qumyra tárizdes hám onyń búıirinde bıikke asyp qoıýǵa arnalǵan úsh ilmegi bar. Onda ilmek shynjyrlar bekitilgen. Bul shynjyrlar dóńgelek metall plastınaǵa bekitilgen. Shyraǵdannyń bir búıirinde parsy tilinde órnek úlgisimen jazylǵan jazý bar. Onda: «Áýlıelerdiń sultany, taqýalardyń dáleli – Qoja Ahmet Iаsaýı. Bul aspaly shyraqty Hajjaj ıbn Ýaqqas Saıramı arnaıy Sultannyń [Qoja Ahmet Iаsaýı] kesenesine ýaqf retinde syıǵa tartty» delingen.
Aspaly shyraǵdan 1993-1999 jyldary júrgizilgen jóndeý jumystary kezinde alynǵan eken. Iаǵnı jerge túsirilgen. Nátıjesinde, bul jádigerge zertteý jasalyp, ǵylymı saraptama taǵaıyndalǵan kórinedi.
«Áziret Sultan» memlekettik tarıhı-mádenı qoryq-mýzeıiniń dırektory N.Ahmetjanov myrza: «Táýelsizdigimizdiń 30 jyldyǵy qarsańynda Halyqaralyq mýzeıler kúnine oraı qoryq-mýzeı qoryndaǵy HVI ǵasyrǵa tán túpnusqa jádigerlerdiń biri aspaly shyraǵdandy tarıhı tuǵyryna ornatyp otyrmyz. Shyraǵdan burynǵy Qazandyq bólmesiniń soltústik oıyǵy astynda, Qabyrhanaǵa kireberistegi arkanyń ushynda ilýli turǵan eken. Sol ornyna qaıta ornalasty», deıdi.
