«Balmuzdaq, qymyzdan balmuzdaq» dep aıǵaılap turǵan saýdagerdi kórip, dámnen aýyz tıgenbiz. Qyshqyltym, qymyzdyń dámi kádimgi. Sóıtsek, qymyz balmuzdaqty aıǵaılap, halyqty shaqyryp dám tatqyzbasa, ótkizý qıyn» deıdi Berik. Qymyzdyń ózi suranysqa ıe ónim bolǵanymen balmuzdaǵy naryqqa endi-endi ǵana shyqty.
– Kásipte júrgenime biraz jyl boldy. Árıne, nápaqa tabýymyz kerek. Biraq ulttyq dúnıe óndirgim keldi. Qasymdaǵy kómekshiler de qazaqı ónim kerek desti. Sodan Semeıde Aıdyn Serikqazın degen azamat qymyz balmuzdaq óndiretinin estip, sonda bardyq. Balalarymdy alyp aldym. О́ıtkeni dámin solar kórý kerek boldy. О́zime birden unady. О́skemenge kele sala iske kiristim, – deıdi jas kásipker.
Ulttyq balmuzdaqty óndirmes buryn sheteldik tehnologııalardy da zerttegen. Sóıtip, baby kelgen balmuzdaqty byltyr satylymǵa shyǵara bastaǵan. Dámi til úıirgenimen, áý basta satý qıyn bolǵan eken. Sebebi buǵan deıin qymyz balmuzdaqtyń bal dámin kóp eshkim tatyp kórmegen. Sol úshin de ǵoı, aıǵaılap, ári-beri ótken halyqqa dám tatqyzyp, úıretip baryp jolǵa qoıyp keledi. Balmuzdaqqa suranys jazda ǵana bolǵandyqtan, úsh-tórt aıdyń ishinde kópshilikke usynyp qalýǵa tyrysady. Al qazan, qarashadan bastap tek meıramhanalarmen jumys isteıdi. Onyń ústine, qysta qymyz qory az, qyshqyltym.
– Byltyr eki núktede ǵana sattyq. Bıyl keńeıtýdi kózdep otyrmyz. Qymyzdyń lıtri 1500 teńge bolsa da, balmuzdaqtyń baǵasyn 300 teńgeden kótermeımiz. Sonymen qatar árkimniń tańdaýyna qaraı jemis-jıdektiń de balmuzdaqtary bar. О́ıtkeni aldyńa kelgen adam qur qaıtpaýy kerek. Maqtanatynym, bári otandyq ónim, – deıdi balmuzdaqtyń babyn biletin Berik Rahmetqalıev.
Berik balmuzdaqty shubat pen eshkiniń sútinen de jasap kórgen. Alaıda, qymyzdyń dámindeı til úıire qoımaǵan. Maqsaty da, qymyz balmuzdaqty brendke aınaldyrý.
О́SKEMEN
