Dárigerler dárýi

Densaýlyqty qorǵaý, túr­­li dertterdiń aldyn alý maqsatynda jolǵa shyqqan №7 emhana qyzmetkerleri, atap aıtqanda Aldyn alý jáne psıhoáleýmettik kómek kórsetý bólimshesiniń jaýapty dárigeri Aınur Álsherova, pedıatr dáriger Uljalǵas Ábdıeva, SО́S kabınetiniń medbıkesi Gýlfaırýs Boran­qu­lova jáne psıholog Dana Mamleeva emhanaǵa tir­kel­gen úılerge bardy. Aq halatty «qonaqtar» kóp­ba­laly jandarmen, jańadan otaý qurǵan jastarmen ózderin mazalaǵan saýaldar tóńi­re­ginde áńgimelesip, ja­ýap­kershiliktiń rólin túsi­ný jóninde aqparattyq-tú­sin­dirme ju­mystaryn júrgizdi.

«Salamatty otbasy, bul – salamatty ult. Biz kóp­te­gen aýrýdyń aldyn alý maq­sa­tynda is-sharalardy únemi uıymdastyramyz. Mun­­daı qaıyrymdylyq sha­ra­syn endi jıi ótkizý­di josparlap otyrmyz. Bizdiń mekemeniń dári­ger­lerine jáne meıirbıkelerine alǵysymdy bil­diremin. Sebebi osyndaı is-sharalarǵa aıanbaı eńbek etip, tolyqtaı atsalysady», deıdi profılaktıka bólimshesiniń jaýapty dárigeri Aınur Meıirbekqyzy.

Sonymen qatar megapolıs­­te «Men – alma­tylyqpyn» qoǵamdyq birlestigi men «Qo­ǵam­­dyq baqylaý» toby erekshe balalardyń ım­mýnı­tetin qoldaý aksııasyn da ótkizip jatyr.

Adamdardyń 10%-y ǵana týǵannan bastap kúshti ımmýnıtetke ıe ekendigi belgili. Qal­ǵan ýaqytta ony kóterip, kúsheı­tý kerek. Allergııalyq aýrýlardyń ósý statıstıkasy jyl saıyn 10-20% qu­raıdy. О́kinishke qaraı, Almatyda bul kórsetkish jyl saıyn ósip keledi. Bar­lyq allergııalyq aýrýlar balalyq shaqta paıda bol­ǵan­dyqtan, aýrýdyń odan ári ósýin boljaýǵa bolady. Son­dyqtan allergııalyq res­pıratorlyq aýrýlarmen aýyratyn balalardy baqy­laý jáne emdeý qazirgi ýa­qyt­ta óte ózekti. Ádette, allergııa álsiz ımmýnıtetten týa­­dy, nátıjesinde organızm qoz­­­dyrǵysh allergen­der­ge qatty áser etedi. Im­­mý­nı­tet­­tiń tómendeýi túr­­­li fak­tor­ǵa baılanys­ty. Onyń ne­­gizgi sebebi, qolaı­syz eko­lo­­­­gııalyq jaǵdaılar men zııan­­­dy tamaqtaný, sapasyz ónim­derden paıda bo­lady. Kóktem men jaz aılarynda ım­mýn­dyq júıeniń tozań, terek úlpekteri, ján­dik­ter, mıkroorganızmder basqa da zattarǵa reaktıvtiligi ár­da­ıym artady, bul kóbinese bronh demikpesine ákeledi.

Bul joly eriktiler bala­larǵa tynys alý júıesi aýrýlarymen kúresýge jáne ım­mý­nıtetti jaqsartýǵa kómektesý maq­sa­­tyn­da Almaty qalasy men Almaty obly­syn­­daǵy balalar aýrýhanalaryna bar­dy. Bala­lar­ǵa ta­nymal brendterdiń biri, sýyq tııý men allergııalyq aýrýlardyń kórinisterin je­ńý­ge ǵana emes, sonymen qatar eń aldymen, onyń paıda bolýyna jol bermeıtin ónimder beriledi. Eriktilerdiń kómegimen №2 qalalyq balalar klınıkalyq aýrý­hanasyna, «Aqsaı» res­pýb­­lıkalyq balalar klı­nı­­­­ka­lyq aýrý­­hanasyna, Alma­­­ty oblystyq balalar klı­­­nı­kalyq aýrýhanasyna (GRES), Qaskeleń qala­syn­daǵy balalar juqpaly aýrýlar aýrý­­hanasyna balalar densaýlyǵyna paıdaly jıyn­tyqtar jetkizildi. Iаǵnı mıkroelement­ter­ge baı eritindi daıyndaýǵa ar­­nal­ǵan «Leıka» jáne Adrıa­tı­kalyq teńiziniń tuzy bar 30 qapshyqtan turatyn jıyn­tyq berildi. Kúndelikti pro­fı­laktıkalyq prosedýralarmen paketterdiń usy­nyl­ǵan sany bir aıǵa jetedi.