Osy oraıda Jáırem kentiniń «О́ndiris eriktileri» dep atalatyn eriktiler toby ıgi iske bastamashy bolyp, Qaraǵandy oblystyq onkologııalyq dıspanseriniń pasıentterine arnap 200 lıtr qymyz jetkizdi.
«О́ndiris eriktileri» tobynyń jetekshisi Gaýhar Naýryzbaeva onkologııalyq naýqastardy qymyzben qamtamasyz etý ıdeıasyn uıym músheleriniń biri usynǵanyn aıtady. Sóıtse ıdeıa avtory osy aýrýhanaǵa túsken eken. Sodan dıagnozy rastalmaǵan soń, qýanyshy qoınyna syımaı, osy ıgi isti júzege asyrý týraly oıyn ortaǵa salypty.
– Aı saıyn aýyldyń áleýmettik turǵyda az qamtylǵan turǵyndaryna kómektesip turamyz. Jumysymyz eki baǵytta júredi. Bul materıaldyq qoldaý – biz ónimderdi, qajetti zattardy aqsha jınap, satyp alamyz. Sonymen qatar senbilikke shyǵamyz, sharbaqtardy syrlaýǵa, aǵashtardy ákteýge kómektesemiz. Bastapqyda biz Jáırem turǵyndaryna ǵana kómektesemiz dep oılaǵanbyz. Ýaqyt óte kele Qarajal men О́skemendegi az qamtylǵan otbasylarǵa kómektesý múmkindigi týdy. Endi oblys turǵyndaryna da qol ushyn sozyp jatqan jaıymyz bar, – deıdi G.Naýryzbaeva.
Jáırem kentinde negizi qalanǵan «О́ndiris eriktileri» tobynyń quramyna «Qazsınk» kompanııasynda jumys isteıtin 150 erikti kiredi. Bulardyń barlyǵy da jerlesteriniń ıdeıasyn bir kisideı qoldap, qymyzǵa qajetti qarajatty tez arada jınap bergen. Sonyń nátıjesinde dıspanserde em alyp jatqan 180-ge taıaý naýqas bal qymyzdyń dámin tatyp, boılaryna shıpa darytty.
Atalǵan dıspanserdiń bas dárigeri Muratbek Jumaqaev jáıremdik jany izgi azamattardyń bul qaıyrymdy isin joǵary baǵalap, zor alǵysyn jetkizdi.
– Bıe súti hımııalyq jáne sáýlelik terapııa alatyn pasıentterdiń saýyǵýyna úlken kómegin tıgizedi. Bir ǵana eskertetin jaıt bar, qymyzdy operasııadan keıin birden ishýge bolmaıdy, – deıdi M.Jumaqaev.
«О́ndiris eriktileri» toby qaıyrymdylyq isterin ári qaraı da jalǵastyra bermek. Mysaly, olar alda kele jatqan 1 maýsym – Balalardy qorǵaý kúni merekesine tyńǵylyqty daıyndalý ústinde. Eriktiler Jáırem kentindegi múgedek balalarǵa arnap merekelik syılyqtar tartý etpek.
