«2020 jyldyń qazanynda reseılik tájirıbeni tyńǵylyqty zerdeleý maqsatynda TMD-ǵa qatysýshy memleketterdiń halqy eńbegi, jumyspen qamtylýy jáne áleýmettik qorǵalýy jónindegi konsýltasııalyq keńestiń XXXIII otyrysynda bul másele qarastyryldy. Júrgizilgen jumystyń nátıjesinde «Ana kapıtaly» týýdy yntalandyrý jáne «tabıǵı kemý» syndy qubylysty eńserý úshin ýaqytsha is-shara ekendigin atap ótken oryndy. Yntalandyrý is-sharasy engizilgen kezde Reseı Federasııasyndaǵy týýdyń jıyntyq koeffısıenti 1,4-ti qurady. Al atalǵan baǵdarlama júzege asyrylǵan kezdegi týýdyń jıyntyq koeffısıenti 0,1 tarmaqqa artty nemese 1,5-ke jetti. Bul baǵdarlamanyń tıimsizdigin kórsetedi. Bul rette Qazaqstandaǵy týýdyń jıyntyq koeffısıenti 2007 jyly 2,47-i bolsa, 2020 jyly 3,13-ke deıin ósti», dedi vıse-premer jaýabynda.
Eraly Toǵjanovtyń atap ótýinshe, Qazaqstanda qoldanystaǵy ana men balany qoldaý júıesi ýaqyty ári merzimdi járdemaqy tólemine kepildik beredi. Ol júktilikke jáne týýǵa baılanysty áleýmettik tólemdi (ortasha aılyq jalaqynyń shamamen 40 paıyzy), bala týýyna arnalǵan járdemaqyny (1, 2, 3 balaǵa 110 846 teńge, tórt jáne odan kóp balaǵa 183 771 teńge), bala 1 jasqa tolǵanǵa deıingi kútimine arnalǵan tólemdi (16 802 teńgeden 25 962 teńgege deıin) qamtıdy. Bul tólemder otbasynyń kirisine qaramastan beriledi. Buǵan qosa, bala 1 jasqa deıin kútim jasaıtyn áıelderge ortasha aılyqtyń 10 paıyzy mólsherinde mindetti zeınetaqy jarnasyn sýbsıdııalaý qarastyrylǵan. 2020 jyldan bastap kópbalaly otbasylarǵa otbasydaǵy bala sanyna baılanysty saralanǵan mólgerde járdemaqy taǵaıyndalyp, tólenip keledi. Tabysy tómen az qamtylǵan otbasylarǵa ataýly áleýmettik kómek taǵaıyndalady. Az qamtylǵan otbasydan shyqqan balalarǵa kepildendirilgen áleýmettik toptama beriledi.
«Buǵan qosa, búginde elimizdiń barlyq óńirinde jáne elordada az qamtylǵan jáne kópbalaly otbaylarǵa «bir tereze» qaǵıdatymen qyzyǵýshylyq tanytqan barlyq saýaldaryna konsýltasııalyq qyzmet kórsetetin «Januıa» jáne «Shańyraq» otbasyna qoldaý ınstıtýty ortalyqtary jumys isteıdi. Sonymen qatar ortalyqtarda balalarǵa jáne olardyń otbasylaryna, onyń ishinde múgedek jandarǵa psıhologııalyq ári yntalandyrý trenıngteri, ózge de is-sharalar ótkiziledi», dedi Úkimet basshysynyń orynbasary.
