Saltanatty sharaǵa Aqtaý halyqaralyq áýejaıy Bas dırektory Kıledjı Selchýk pen О́zbekstannyń Qazaqstandaǵy Tótenshe jáne О́kiletti elshisi Nııazhodjaev Saıdıkram qatysty.
Osylaısha, «Uzbekistan Airways» AQ «Úrgenish – Aqtaý – Úrgenish» baǵyty boıynsha turaqty halyqaralyq reısti 29 mamyrdan bastady. Áýe reısi aptasyna 2 ret demalys kúnderi qatynaıdy.
«Álemniń túkpir-túkpirinen kelgen jolaýshylar, túrki tarıhyna qyzyǵýshylyq tanytqandar Ystanbul arqyly Aqtaýǵa, Aqtaýdan Úrgenishke ushyp kete alady. Hıýanyń sulýlyǵyn kórip, ári qaraı Buhara, Samarqand, Tashkent, Túrkistan jáne Úrimji qalalaryna barýǵa múmkindik alady. Bul týrıstik baǵyt úlken suranysqa ıe bolady degen senimdemiz. Osylaısha, Aqtaý qalasy týrızmniń habyna aınalady», dedi Aqtaý halyqaralyq áýejaıy dırektorynyń orynbasary Merýert Joldybaeva.
Sonymen qatar, jolaýshylarǵa yńǵaıly bolý úshin Ońtústik-Shyǵys Azııaǵa, Eýropaǵa jáne AQSh-qa ári qaraı reıs jasaý múmkindigimen «Aqtaý – Úrgenish – Tashkent» baǵytyndaǵy reıster bar.
«Aqtaý halyqaralyq áýejaıy Kaspıı mańyndaǵy qalalar Grýzııa jáne Armenııamen tamasha baılanysta. Osylaısha, Úrgenish jolaýshylary Aqtaý halyqaralyq áýejaıyn tranzıttik transfer retinde yńǵaıly túrde paıdalanýǵa úlken múmkindik alady. О́z kezeginde Mańǵystaý turǵyndary tańǵajaıyp Hıýa qalasyna saıahat jasaıdy. Biz eki eldiń saıahatshylary Aqtaý men Úrgenishtegi usynylǵan qyzmetterdi tolyqtaı qoldana alady dep josparlap otyrmyz», dedi О́zbekstan Respýblıkasynyń Aqtaý qalasyndaǵy bas konsýly Nodırjan Týrgýnov.
Qalalar arasyndaǵy barys-kelisti jandandyrý «Uly Jibek joly» jobasy aıasynda júzege asady.
