Igi is akademık E.Bóketov atyndaǵy QarMÝ-dyń tarıh fakýlteti arheologteri, «Saryarqa» arheologııalyq ınstıtýtynyń ǵalymdary men mamandary, «Arheologııalyq zertteýler» JShS jáne basqa da uıym ókilderiniń qatysýymen ótken baspasóz máslıhaty barysynda júzege asyryldy.
«Saryarqa» arheologııalyq ınstıtýtynyń jetekshi ǵylymı qyzmetkeri Igor Kýkýshkın barlyq jádigerdiń Taldy arheologııalyq qoryǵynan alynǵanyn jáne olardyń basym bóligi sol mańdaǵy Aqkezeń men Abylaı eldi mekenderinen tabylǵanyn aıtady.
– Jádigerlerdiń ishinde bilezikter, qola monshaqtar, tutas alqalar, moıyntumarlar túrindegi áıelderdiń áshekeıleri, sonymen birge arnaıy japsyrmalardyń kómegimen jaq-bet alqasyna biriktirilgen qola jaldar men aıylbastar bar. Ádette mundaı moıyntumarlar toǵyz dóńgelek qola aıylbastardan turady. Áshekeıdiń ortasynda úlkeniregi ornalastyrylady jáne olardyń bári birdeı oıý-órnektermen bezendirilgen. Eksponattardyń barlyǵy mýzeı qoryna tapsyryldy, bolashaqta olardy kórmelerden kórýge bolady, – deıdi I.Kýkýshkın.
QARAǴANDY
