Arqadaǵy án saıysy

Osymen segizinshi ret uıym­dastyrylǵan óner dodasyna Nur-Sultan, Almaty qalalary men Qaraǵandy, Túrkistan, Al­maty, Jambyl, Aqtóbe, Aq­mo­la, Soltústik Qazaqstan, Pav­lo­dar jáne Shyǵys Qazaqstan ob­lystary atynan 36 úmitker qatysyp, baq synady.

Quramynda Qazaqstannyń eńbek sińirgen qaıratkerleri Ǵalym Muhamedın, Ramazan Stam­ǵazıev, Talǵat Ydyrysov, Jaq­sykeldi Kemalov, Aıtbek Ny­ǵyzbaev, Erbol Aıtpaev jáne «Qurmet» ordeniniń ıegeri Serjan Musaıyn bar qazylar alqasy baıqaýdyń bas júldesine Qurmanǵazy atyn­daǵy Qazaq ulttyq kon­servatorııasynyń stý­denti Aq­jol О́serbaıdy laıyq­­ty dep tapty.

Birinshi júlde Qazaq ulttyq konservatorııasynyń taǵy bir stýdenti Nur­­bolat Uzaqbaıǵa buıyr­dy. Ekinshi oryndy pav­lodar­lyq Dáýrenbek Slámǵalı men almatylyq Qas­ter Qab­del ıelendi. Al úshin­shi júl­de qazylar al­qa­sy­nyń sheshi­mimen Qazaq ult­tyq óner ýnı­versıtetiniń stý­den­ti Aıbala Beı­senova men Aıbek Rymǵalıǵa jáne Memlekettik akademııalyq fı­lar­monııa atynan qatysqan Alýa Qa­lymbekovaǵa bólip be­rildi.

Budan bólek, án baıqaýynyń qorytyndysy boıynsha Qalı Baıjanov atyndaǵy arnaıy syılyq Sáýlet Amanǵazınge, Manarbek Erjanov atyndaǵy ar­naıy syılyq Aıdos Sanııaz­bekulyna, Mádenıet Eshekeev atyndaǵy arnaıy syılyq Qos­tybaı Qajybıge jáne Rymbaı Bódesov atyndaǵy arnaıy syı­lyq Bekzat Ermekbaıǵa ta­bys etildi. Atalǵan óner­pazdardyń barlyǵy da Almaty qalasynan kelip baq synady. Al Meıirhan Adambekov atyndaǵy arnaıy syılyqty qyzyljarlyq ánshi Erkebulan Qarypov ıelendi.

Jeńimpaz jáne júldeger ónerpazdarǵa laıyqty syı-sııapat jasaldy.

QARAǴANDY