Demek, baspana ıeleri ózderi turǵyn úıdi basqarady. Bastysy bári ashyq. Turǵyndar úı keshenin damytý, abattandyrý, kógaldandyrý sekildi josparyna qatysty sheshim de qabyldaı alady.
Shymkentte jańa júıeni turǵyndarǵa túsindirý, basqarý nysandaryn tirkeý boıynsha atqarylyp jatqan jumystardy pysyqtaý maqsatynda Shymkent qalasy ákiminiń tóraǵalyǵymen jınalys ótti. Shymkentte jańa júıeni turǵyndarǵa túsindirý, basqarý nysandaryn tirkeý boıynsha atqarylyp jatqan jumystardy pysyqtaý maqsatynda Shymkent qalasy ákiminiń tóraǵalyǵymen jınalys ótti.
Búginde qaladaǵy 377 kópqabatty turǵyn úı jańa júıege kóshkenin baıandady. Onyń 83-i múlik ıeleriniń birlestigi bolsa, 294-i jaı seriktestikter.
Qala basshysy Murat Áıtenov menshik ıeleri bul jańashyldyqty áli tolyq túsinip bolmaǵanyn aıtty.
Jańa basqarý formasy bir úı - bir basqarý organy - eki banktik shot (aǵymdaǵy jáne jınaq) shemasymen jumys jasaıdy. Árbir páter turǵyny óz úıiniń, aýlasynyń tazalyǵy men uqypty paıdalanylýyna ózi tikeleı jaýapty bolady. Máselen, qazir olar aı saıyn shamamen 700-800 tg KSK-ǵa tólep jatyr. Alaıda shaǵym óte kóp. Bireýi úı kireberisin jýmaıdy dese, biri jertólede dezınfeksııa jasalynbaı jatyr dep aryzdanady. Endi, turǵyndar óz kelisimderimen MIB nemese JS quratyn bolsa, sol aqshalarynyń qaıda, ne maqsatta ketip jatqanyn ashyq túrde kórip, ózderi baqylaý jasaýǵa múmkindigi bar. Jeke esepshottarynda jınalǵan aqshany qajettilikterine qaraı tıimdi paıdalanyp, esebin surap otyrady. Bul kommýnaldyq qyzmet kórsetetin mekemeler arasynda da báseke týdyryp, qyzmet kórsetýdiń joǵary sapasyna qol jetkizýge múmkindik beredi. Turǵyndarda tazalyq mádenıeti qalyptasady. Aýladaǵy tastaǵan qoqysyna ákimdik emes ózi jaýapty ekenin uǵynady, - degen jınalys tóraǵasy túsindirý jumystaryn kúsheıtýdi tapsyrdy.
Múlik ıeleriniń birlestigi – zańdy tulǵa retinde Ádilet departamentinde, jaı seriktestik (zańdy tulǵa emes) turǵyn úı ınspeksııasy basqarmasynda tirkeledi. Turǵyndar kelisimimen úı keńesi qurylyp, sol basqarady. Ol úsh jyl merzimge saılanady. Eger úı keńesteri óz mindetterin tıisinshe oryndamaǵan jaǵdaıda jalpy jınalys sheshimimen qaıta saılanatyn bolady.
Jańa júıeniń taǵy bir utymdy tusy – MIB nemese JS qurylǵan kóp qabatty turǵyn úıdiń bos úı-jaıyn, jarnamadan jáne t.b. jalǵa berý arqyly tabys alý múmkindigi qarastyrylǵan, túsken tabysty úıdiń jóndeý jumystaryna paıdalanýǵa bolady. Jer ýchaskesin zańdastyrý, tirkeý múmkindikteri de qarastyrylǵan.
