Jıynǵa Semeı qalasy men Abaı aýdanynyń zııaly qaýymókilderi, ǵalymdar men ardager-aqsaqaldar qatysty. Keleli kezdesýde sóz alǵan professor, fılologııa ǵylymdarynyń doktory Arap Espenbetov, professor Zeınolla Toqaev, Abaı aýdanynyń qurmetti azamaty Jaqsybek Ekibaev jáne Abaı mýzeıiniń dırektory Turdyqul Shańbaı Kámen Orazalınniń ómiri men shyǵarmashylyq jolyna keńinen toqtalyp ótti.
– Kámen Orazalın Abaı aýdanyndaǵy, Qundyzdy aýylynyń Qylyshbek jaılaýynda dúnıege kelgen, -dedi professor, fılologııa ǵylymdarynyń doktory Arap Espenbetov, -keıinirek bilimin jetildire túsý úshin Semeı qalasyna aýysyp, 1936 jyly Jańa Semeıden 7 jyldyq mektepti aıaqtaıdy, odan keıin 1939 jyly Semeı qalasyndaǵy № 11 mekteptiń 10-shy synybyn támámdap, orta bilim alyp shyǵady. Kámen aǵa mektepte oqyp júrgende-aq, baspa betterinde óleńderi shyǵa bastaıdy. Semeı oblystyq «Ekpindi» gazetinde 1938 jyly «Kúzette» degen alǵashqy óleńi, 1939 jyly Abaıdyń dúnıeden ótkenine 35 jyl tolýyna oraı uly aqynǵa arnaǵan «Danyshpan aqyn» atty óleńi basylady. 1939 jyly Kámen Orazalın ásker qataryna shaqyrylyp, Krasnoıarsk qalasyndaǵy nómiri 345-shi atqyshtar polkinin jaýyngeri qataryna alynady. Aryǵaraı 1941 jyly soǵys bastalyp, qan maıdanǵa attanady. Jastaıynan Abaı óleńderiń jattap ósip, onyń ósıetterinen úlgi-ónege, tálim alǵan Kámen Orazalınniń negizgi basty eńbegi - zamanymyzdyń zańǵar jazýshysy Muhtar Áýezovtyń ǵumyrnamasyna, jazýshylyq jolyna arnaǵan epıkalyq shyǵarmasy- «Abaıdan soń» atty IV tomdyq romandar (1972, 1987, 1989, 1995j.) tetrologııasy jáne 1976 jyly shyqqan «Abaı aýylyna saıahat» atty kitaby shyqty.
– Muhtar Áýezovke «Abaı joly» tarıhı roman-epopeıasyn jazýy barysynda kóptegen derekterdi Abaı elinen arnaıy jınaqtap bergen da eńbegi bar, -dedi jıyndy uıymdastyrýshy jýrnalıst, tarıhshy-ǵalym Raýshan Nuǵmanbekova,-al «Abaıdan sońǵy arystar» kitabynda Shákárimmen kezdesýi jaıly tereń baıandalǵan. Ulylardyń kózin kórgen Kámen Orazalınniń ómiri Semeı qalasymen tyǵyz baılanysty bolǵandyqtan, mereıtoı aıasynda biz Semeı qalasynan Abaı aýdanyna shyǵa beris joldaǵy Selevın kóshesin Kámen Orazalınniń esimine berý týraly usynysymyzdy aıtyp, qala basshylyǵyna hat joldadyq.
«Abaı dástúrine adaldyq» jıynyna kelgen zııaly qaýym men mýzeı ujymy atalǵan usynysty biraýyzdan qoldaıtyndyqtaryn jetkizdi.
