«Jyl basynan beri eldegi qylmys 2,5 paıyzǵa azaıdy. Qaraqshylyq shabýyl – 7, tonaý –22, buzaqylyq 26 paıyzǵa qysqardy.
Sondaı-aq jasóspirimder arasyndaǵy, qoǵamdyq oryndar men kóshelerde jáne mas kúıinde jasalatyn qylmystar tómendedi. Qylmysty ashý kórsetkishi jaqsardy. Qoǵamdyq oryndarda qaýipsizdikti qamtamasyz etýge basty nazar aýdarylady», dedi mınıstr.
Turǵymbaevtyń aıtýynsha, Memleket basshysynyń tapsyrmasymen «jurtqa jaqyn polısııa» jospary iske asyp jatyr.
«Osy jumys aıasynda turǵyn úı aınalasynda, saıabaqtarda jáne skverlerde jaıaý patrýldiń sany kóbeıtilýde. Qalalardyń asa krımınogendik ýchaskelerinde zamanaýı polısııanyń modýldik beketteri ornatylýda. Sol beketterde azamattardy táýlik boıy qabyldap, qyzmet atqarý úshin barlyq qajetti jaǵdaı jasalǵan. Sondaı-aq, «polısııany shaqyrtý» dabyl júıesi ornatylǵan. Aryzdanyp kelgen azamat, tikeleı kezekshi bólimge habarlasa alady», dedi Erlan Turǵymbaev.
