Alǵa balalar úıinde ata-anasynyń qamqorlyǵynsyz qalǵan 250-den astam bala tárbıelenýde. Munda olardyń eshkimge jaltańkóz bolmaı ósýine, oqýyna, jalpy azamat bolyp qalyptasýlaryna barlyq jaǵdaı jasalǵan. Degenmen, Jańa jylda olar da barlyq balalar sııaqty merekelik kóńil-kúıde bolǵylary keletini, syılyqtar kútetini belgili. Osyny eskergen oblys ákimi Arhımed Muhambetov balalar úıinde ótkizilgen Jańa jyldyq shyrshaǵa kelýdi dástúrge aınaldyrýda.
Alǵa balalar úıinde ata-anasynyń qamqorlyǵynsyz qalǵan 250-den astam bala tárbıelenýde. Munda olardyń eshkimge jaltańkóz bolmaı ósýine, oqýyna, jalpy azamat bolyp qalyptasýlaryna barlyq jaǵdaı jasalǵan. Degenmen, Jańa jylda olar da barlyq balalar sııaqty merekelik kóńil-kúıde bolǵylary keletini, syılyqtar kútetini belgili. Osyny eskergen oblys ákimi Arhımed Muhambetov balalar úıinde ótkizilgen Jańa jyldyq shyrshaǵa kelýdi dástúrge aınaldyrýda.
Bıyl da ol alǵashqylardyń leginde osy balalar úıine kelip, balalardy Jańa jylmen quttyqtady. О́ńir basshysynyń ózderine qoldaý-kómek kórsetip júrgenin biletin balalar úıiniń tárbıelenýshileri ony zor qýanyshpen qarsy aldy. Jańa jyldyq saltanattyń shymyldyǵy osy shara barysynda ǵana tusaýy kesilgen balalar úıiniń vokaldi-aspaptyq ansambliniń oryndaýyndaǵy jańa jyl, ana týraly ánderimen ashyldy. Jańa jyldyq shyrshada oblys ákimi sóz alyp, tárbıelenýshilerdi alda kele jatqan Jańa jylmen quttyqtady. Ol Elbasy Nursultan Nazarbaevtyń balalardyń elimizde qaıǵy-muńsyz, baqytty ómir súrýi úshin barlyǵyn jasap jatqanyn atap ótti. Sonyń bir dáleli retinde 2013 jyly oblysta zamanaýı qural-jabdyqtarmen jaraqtandyrylǵan Nazarbaev zııatkerlik mektebinen basqa 15 bilim ordasy ashylǵanyn, 40-tan astam stadıon jáne 80-nen astam áleýmettik nysandar paıdalanýǵa berilgenin jetkizdi.
Sodan keıin oqýda ozat, tárbıeli de úlgili bir top tárbıelenýshi Jańa jyldyq syılyqty Arhımed Muhambetovtiń óz qolynan alyp, júzderinen qýanyshtyń lebi esti. Balalar úıiniń qalǵan tárbıelenýshileri da osyndaı Jańa jyldyq syılyqtarǵa ıe boldy. Balalar shyrshany aınalyp án shyrqady, bı bıledi.
Múmkindigi shekteýli balalar úshin uıymdastyrylǵan oblys ákiminiń shyrshasy Ǵazıza Jubanova atyndaǵy oblystyq fılarmonııada ótkizildi. Ákim shyrshasyna kelgen 100 múgedek bala Jańa jyldyq qoıylymdy tamashalady, olarǵa syılyqtar taratyldy.
Satybaldy SÁÝIRBAI,
«Egemen Qazaqstan».
Aqtóbe oblysy.
