Jańa jyl qarsańynda Qazaqstan Respýblıkasy Ulttyq qaýipsizdik komıteti tóraǵasynyń orynbasary – Shekara qyzmetiniń dırektory, general-leıtenant Nurlan Jolamanov «Batys» óńirlik basqarmasyna qarasty 2087 jáne 2036 áskerı bólimderine saltanatty jaǵdaıda jaýyngerlik týlardy tabys etti, dep habarlady QR UQK ShQ baspasóz qyzmeti.
Jańa jyl qarsańynda Qazaqstan Respýblıkasy Ulttyq qaýipsizdik komıteti tóraǵasynyń orynbasary – Shekara qyzmetiniń dırektory, general-leıtenant Nurlan Jolamanov «Batys» óńirlik basqarmasyna qarasty 2087 jáne 2036 áskerı bólimderine saltanatty jaǵdaıda jaýyngerlik týlardy tabys etti, dep habarlady QR UQK ShQ baspasóz qyzmeti.
Namys pen erliktiń, abyroı men dańqtyń belgisi bolyp tabylatyn týlardy shekara vedomstvosy basshysynyń qolynan podpolkovnıkter Muhtar Qanabekov pen Sanat Jumanov aldy.
Atalǵan saltanatqa Aqtaý qalasynyń, oblystyq jáne Beıneý aýdandyq ákimdikteriniń, «Nur Otan» partııasynyń ókilderi qatysty.
– Jaýyngerlik tý áskerı bólimniń tarıhy men erlik jolyn pash etetin qasıetti belgisi bolyp tabylady, – dep atap ótti general-leıtenant Nurlan Jolamanov óz sózinde. – Osy týdyń astynda turyp sarbazdar men sardarlar, generaldar elimizdiń táýelsizdigin, aýmaqtyq tutastyǵyn jan aıamaı qorǵaıtyn bolady.
Osy kúni Beıneý shekara otrıadynda shekarashylarǵa 48 páterdiń kilti tapsyrylǵany da erekshe atap óterlik oqıǵa. Osylaısha 4 úı paıdalanýǵa berildi. Sóıtip, «Batys» óńirlik basqarmasynyń shekarashylary Jańa jyldy jańa páterlerde qarsy aldy. Saqshylardyń ózderi de muny mereke qarsańyndaǵy eń tamasha syılyq retinde qabyldady.
Osy oraıda, kelesi jyly eki úıdiń paıdalanýǵa beriletindigin, osylaısha Beıneý shekara otrıadyndaǵy áskerı qyzmetshilerdiń 100 paıyzy turǵyn úımen qamtylatyndyǵyn aıta ketý kerek. Shen taqqan qyzmetshilerdi turǵyn úımen qamtamasyz etý Elbasy Joldaýynyń iske asyp jatqandyǵynyń basty kórinisi bolyp tabylady.
Shekara qyzmeti osylaısha turǵyn úı salý men jóndeýdiń ekpinin arttyryp otyr, mundaı baǵyt bolashaqta da tómendemek emes. Ofıserler men kelisimshart qyzmetkerleriniń jaıly da sándi páterlermen qamtamasyz etilýi kúnnen-kúnge arta túsýde. Shen taqqan qyzmetkerler janǵa jaıly barlyq jaǵdaıy jasalǵan áskerı qalashyqtarda otbasylarymen birge turýda.
Shekara qyzmeti áskerı qalashyqtar soǵýda damyǵan elderdiń tájirıbesin batyl qoldanýda. Munda áskerı bólimderge qajetti barlyq jaǵdaılar, onyń ishinde áleýmettik-turmystyq jaǵdaıdyń bolýy qatań saqtalady. Sonda ǵana shekarashy elimizdiń qaı túkpirinde qyzmet atqarsa da áleýmettik-turmystyq jaǵynan eshqandaı kemshilik kórmeıtin bolady.
N.Jolamanov páter kiltterin tapsyra turyp, shekarashylar men olardyń otbasy múshelerin jańa qonystarymen quttyqtady, olarǵa myqty densaýlyq pen baqyt, qyzmetterine tabys tiledi.
