«Qazaqstan» ulttyq arnasy óz habarlaryn tolyǵymen qazaq tilinde kórsete bastaǵaly buryn-sońdy bolmaǵan bıik satyǵa kóterildi.
Kósh bastaýdyń taǵy bir syry – telearna jyl saıyn kórermendi baýrap alar tyń jobalardy oılap tabýda. Bıyl da halyqtyń súıikti arnasy jurtshylyqty kózaıym jobalarmen qýantýǵa asyǵady. Jańa maýsymda «Qazaqstan» UTA birqatar jańa mega-jobalardy, aqparattyq-saraptamalyq, derekti-tanymdyq dúnıelerdi, jańa tok-shoýlar men kóńil jadyratar oıyn-saýyqtyq jáne mýzykalyq-sazdy baǵdarlamalardy usynbaq. Osy jyly kórermenniń erekshe suranysyna ıe otandyq telehıkaıalardyń jańa bir leginiń tusaýy kesiledi. Munda tól telehıkaıalarmen birge álemniń ozyq kınokompanııalary túsirgen kórkem kınotýyndylar men derekti fılmderdi tamashalaýǵa múmkindik týady. Qystyń qyraýly kúnderin jazdyń jaımashýaq áserine toltyrýǵa múddeli qaýymǵa «Qazaqstan» ulttyq arnasy jańa maýsymda birqatar tyń tartýlar ázirledi.
«Qazaqstan» ulttyq arnasy óz habarlaryn tolyǵymen qazaq tilinde kórsete bastaǵaly buryn-sońdy bolmaǵan bıik satyǵa kóterildi.
Kósh bastaýdyń taǵy bir syry – telearna jyl saıyn kórermendi baýrap alar tyń jobalardy oılap tabýda. Bıyl da halyqtyń súıikti arnasy jurtshylyqty kózaıym jobalarmen qýantýǵa asyǵady. Jańa maýsymda «Qazaqstan» UTA birqatar jańa mega-jobalardy, aqparattyq-saraptamalyq, derekti-tanymdyq dúnıelerdi, jańa tok-shoýlar men kóńil jadyratar oıyn-saýyqtyq jáne mýzykalyq-sazdy baǵdarlamalardy usynbaq. Osy jyly kórermenniń erekshe suranysyna ıe otandyq telehıkaıalardyń jańa bir leginiń tusaýy kesiledi. Munda tól telehıkaıalarmen birge álemniń ozyq kınokompanııalary túsirgen kórkem kınotýyndylar men derekti fılmderdi tamashalaýǵa múmkindik týady. Qystyń qyraýly kúnderin jazdyń jaımashýaq áserine toltyrýǵa múddeli qaýymǵa «Qazaqstan» ulttyq arnasy jańa maýsymda birqatar tyń tartýlar ázirledi.
Sonyń biri – «Qazaqstan daýysy» mega-jobasy desek, bul jaı talant-shoý ǵana emes, ǵajap daýys ıelerin anyqtaıtyn, olardy elge tanylǵan kúmiskómeı tulǵalarmen qatar qoıatyn tartymdy joba. Munda kásibı ánshiler baıqaýǵa qatysýshylarǵa ózderi kómektesip, kórgen-túıgenderin úıretedi. Biraq shákirtterin qansha qoldap, jany ashyǵanyna qaramastan olardyń arasynan eń myqtylardy tańdaýlary tıis. Bul – negizinen álemniń 35 elinde kórsetilip, reıtıng boıynsha bar jerde eń joǵary kórsetkishke qol jetkizgen telejoba. Amerıkalyq nusqasynda ekran aldyna 37 mıllıonnan astam kórermen jınap, ózimen básekeles ózge telejobalardy artqa ysyrǵan jobanyń qazaqstandyq úlgisi de úlken-kishini beı-jaı qaldyrmasy anyq.
Taǵy bir jańa joba «Túngi stýdııada – Nurlan Qoıanbaev» dep atalady. Munyń ózge baǵdarlamalardan ereksheligi – jobada oryndy ázil-qaljyń arqyly saıası synaýlar men oılandyrar saýaldar bolady. Baǵdarlama júrgizýshisi men qatysýshy qonaqty jandy daýysta túrli mýzykalyq aspapta oınaıtyn top súıemeldep otyrady. Baǵdarlama aptasyna 4 ret jaryqqa shyǵady dep kútilýde.
Jańa jylda «Áıel baqyty» tok-shoýy odan ári jalǵasyn tabady. Bir qolymen besikti, ekinshi qolymen álemdi terbetken áıel bedeli, otbasyndaǵy róli, áleýmettik jaǵdaıy, bala tárbıesindegi mańyzy men búgingi erli-zaıyptylar bolmysy áńgime ózegine aınala otyryp, kerekti keńes, ádemiliktiń qupııasy, sán jáne t.b. ózekjardy máseleler ortaǵa salynady. Jańa tok-shoý tikeleı efırde aptasyna 5 ret kórsetiledi. Bul baǵdarlamanyń ereksheligi – kórermender tikeleı efır kezinde de, efırden tys ýaqytta da ózderin qyzyqtyrǵan saýaldardy telefon arqyly nemese elektrondy poshta arqyly joldaı alady.
Bıyl kórermen, sondaı-aq, «Sheteldegi qazaq balalary» atty derekti tanymdyq jobanyń jalǵasyn tamashalaı alady. «Sheteldegi qazaq balalary» serııalyq reportajynyń basqa arnalarda balamasy joqtyń qasy, «Qazaqstan» UTA bastamasymen elimizde tuńǵysh ret qolǵa alynǵan baǵdarlamanyń negizgi maqsaty – shetel azamattary asyrap alǵan qazaqstandyq balalardyń keıingi taǵdyryn baıandaý. Osyǵan deıin eýropalyqtar asyrap alǵan qazaq balalarynyń taǵdyry jaıynda jan-jaqty syr shertilse, endi AQSh pen Kanadada júrgen qarakózderdiń taǵdyrymen tanysýǵa múmkindik týady.
Jańa maýsymda kórermen kózaıymyna aınalyp úlgergen «Ulttyq shoý», «Aıtýǵa ońaı», «Alań», «Syr-suhbat», «Jarqyn beıne», «Kelbet», «Aqsaýyt», «Tańsholpan», «Telqońyr», «Jaıdarman», «Jan jylýy», «Tolaǵaı», «Ekspo joly» baǵdarlamalary jalǵasyn taba túsedi.
Taǵy bir mańyzdy jańalyq, «Qazaqstan» UTA-da jańa maýsymda birneshe otandyq telehıkaıalardyń tusaýy kesiledi dep josparlanýda.
Jańa jylda ulttyq arna kórermenderge «Jedel járdem», «Syrǵalym» atty otandyq telehıkaıalardy usynbaq. Aıta ketý kerek, «Olımp shyńy», «Suńqar», «Ustaz», «Aýyl saqshysy», «Ápke» atty telehıkaıalar kórermen kózaıymyna aınalyp úlgerse, elimizdiń túkpir-túkpirinde erlik kórsetip, batyldyǵymen, ójettigimen kózge túsip júrgen jandar jaıly derekti fılmder toptamasy – «Janyńda júr jaqsy adam» da óz jalǵasyn tappaq.
Osy jyldyń qarsańynda ulttyq arnanyń óz kórermenderine tańǵajaıyp Jańa jyldyq kóńil-kúı syılaǵany taǵy bir aıtarlyqtaı oqıǵa deý kerek. «Tańǵaldyrǵan jańa jyl» atty oıyn-saýyq dýmanynyń avtory – belgili ýkraınalyq rejısser, prodıýser Alan Badoev. Jobanyń jelisi boıynsha mýzykalyq komedııanyń úsh basty keıipkeri – bolashaqtan kelgen ýaqyt saqshylary-polıseıler –Dýlyǵa (basty keıipkeri, ıisshil), Azamat (qyraǵy kóz) jáne Janatbek (saq qulaq). Olar 2116 jylda ómir súrip, óziniń aıryqsha dızaınymen (keıbir tustary kıiz úıge uqsatyp jasalǵan) jáne ınnovasııalarymen jurtty tańǵaldyryp, ushatyn tárelkede qyzmet etedi. Bolashaq meımandary qorshaǵan keńistiktegi ózderin qyzyqtyrǵan nysandardy fantastıkalyq tússiz monıtor arqyly baqylap otyrady. Keıipkerlerdiń basty maqsaty – Jańa jyldy qarsy alýǵa kedergi jasaıtyn ózge planetalyqty ustap alý. Ony izdeý barysynda ýaqyt saqshylary monıtor arqyly Astanadaǵy Jańa jyldyq kórinisti baqylaıdy.
Alla Pýgacheva, Dmıtrıı Hvorostovskıı, Avraam Rýsso, Verka Serdıýchka, Valerııa, Janna Frıske, Fılıpp Kırkorov, Maks Barskıh syndy Reseı estradasynyń tanymal juldyzdaryna 70-ten astam beınebaıan túsirip, óz isiniń has sheberi atanǵan Alan Badoevtyń ulttyq arna kórermenderine usynǵan Jańa jyldyq jobasy ózge arnalarda kórsetiletin jobalardan múlde bólek edi. Bul onyń Qazaqstan kórermenderimen alǵashqy qaýyshýy emes. Buǵan deıin talantty prodıýser almatylyqtarǵa TMD men Eýropanyń mýzykalyq arnalarynda aıryqsha tanymaldylyqqa ıe bolǵan ZDance horror-mıýzıklin usynsa, Astana qalasynda Tımýr Bekmambetovtiń kınofestıvaline qatysqan bolatyn.
Teleshoý avtorlary dástúrli «kógildir alaý» pishimindegi ústel basyndaǵy otyrystar men dıalogtardan bas tartyp, jobany qarqyndy sıýjet jelisinde túsirgen. Ártister erekshe talǵammen bezendirilgen dekorasııada, jaryq qoıylymy men sýburqaqpen jabdyqtalǵan birneshe sahnalarda óner kórsetti. Árbir nómirdi Alan Badoev beınebaıan retinde túsirdi. Árbir kadr ınnovasııalyq boıaýmen qanyqqan. Máselen, sahnada birde «tiri eskertkishter», gologrammalar usynylsa, endi birinde Baqtııar Taılaqbaevtyń otty mıkrofonmen án aıtqany ǵajap. Juldyz IL KANTO tobymen birge óner kórsetse, keıbir estrada juldyzdary sahnaǵa jańa beınede shyqty. Máselen, Mádına Sádýaqasova, «Alashuly» toby 60-shy jylǵy epatajdy stılde óner kórsetti. Roza Rymbaeva, Eskendir Hasanǵalıev, Lakı Kesoglý, Paskal, Nurlan Abdýlın, Naǵıma Esqalıeva, Aıgúl Imanbaeva, Búrkit, Aısha, Ardaq Balajanova, Almas Kishkenbaev, Ulyqpan Joldasov, Maqpal Isabekova, «Orda», «KeshYou», «RINGO» toptary jáne t.b. ónerleri shýaqty, merekelik ráýishke toly.
Basty róldegi Dýlyǵanyń rólin «Qyz jylaǵan», «Synyptastar» «Birjan Sal», «Agent Z» fılmderi arqyly tanymal Dýlyǵa Akmolda somdady. 30-ǵa jýyq anımasııalyq fılmderdi dybystaǵan akterdiń oryndaǵan «Qubyjyqtar ýnıversıteti» anımasııalyq mýltfılmindegi Maık Vazovskııdiń dýblıajy aıtarlyqtaı tabysqa ıe. Janatbektiń rólin – belgili akter, telejúrgizýshi, rejısser Janat Báıtekov, Azamattyń beınesin «Paryz», «Baqsy» fılmderi arqyly tanymal akter Azamat Satybaldy somdady.
Tanakóz TOLQYNQYZY,
«Qazaqstan» AQ» respýblıkalyq
Teleradıokorporasııasynyń
baspasóz hatshysy.
