Jaqynda oryn alǵan eki birdeı teraktiden japa shekken 65 adam Máskeý men Volgograd qalalaryndaǵy aýrýhanalarda jatyr. Bul týraly ITAR-TASS habarlady.
«Ázirge jergilikti aýrýhanalarda 47 jáne Máskeýde 18 adam emdelýde, – dedi Volgograd oblysy gýbernatorynyń orynbasary Vasılıı Galýshkın. – Jarylystan japa shekken taǵy eki adamdy Máskeýge jetkizý josparlanyp otyr».
Reseıdiń Volgograd qalasynda táýlik ishinde eki birdeı terakt boldy. 29 jeltoqsan kúni jergilikti temirjol vokzalynda belgisiz bireý óz-ózin jaryp jiberdi. Al erteńine taǵy bir jankeshti lańkes jolaýshylar toly trolleıbýs ishinde ústindegi jarylǵysh quraldy iske qosqan. Volgogradta oryn alǵan lańkestik áreketterdenjalpy 34 adam qaza boldy.
Vasılıı Galýshkın sondaı-aq Volgograd oblysynyń bıligi 10 qańtarda terakt saldarynan japa shekkenderge jáne qaza bolǵandardyń otbasyna túgel ótemaqy tóleıtinderin málimdedi. Qazirgi ýaqytta 56 adamǵa ótemaqy tólengen. Qaza bolǵan 13 adamnyń otbasyna oblystyq bıýdjetten 1 mln. jáne federaldy bıýdjetten 1 mln. rýbl berildi. Al japa shekken 43 adam 200 myń rýbl kóleminde ótemaqy alǵan.
Aıdar О́risbaev.
Derekkóz: Itar-tass.com
Foto: Ntv.ru
