Portýgalııa bıligi aty ańyzǵa aınalǵan tegi mozambıktik portýgal fýtbolshysy Eısebıonyń qaıtys bolýyna baılanysty úsh kúndik aza jarııalady. Bul týraly RIA «Novostı» habarlady.
Ataqty fýtbolshy Eısebıo 5 qańtar, jeksenbi kúni tańerteń Lıssabonda júrek jetispeýshiligi saldarynan 72 jasynda ómirden ótti. Osyǵan baılanysty Portýgalııada úsh kúndik ulttyq aza jarııalandy.
Eısebıo óziniń 22 jyldyq mansabynyń basym bóligin Lıssabonnyń «Benfıka» klýbynda ótkizdi. Ol jalpy sany 745 ret alańǵa shyǵyp, 733 gol soqty.
1966 jylǵy álem chempıonatynda Portýgalııa kóp rette Eısebıonyń arqasynda qola medalge qol jetkizdi. Sol chempıonatta ol 9 golmen úzdik mergen atandy.
Eısebıo 1965 jyly Eýropanyń úzdik fýtbolshysy bolyp tanyldy. Sol sııaqty Halyqaralyq fýtbol federasııasynyń saýaldamasy boıynsha Afrıkanyń XX ǵasyrdaǵy eń úzdik fýtbolshysy degen ataqqa da qol jetkizdi.
Damır Qojamqul.
Derekkóz: RIA Novostı.
