Elimiz shekara qyzmetkerleri 2 kılo altyndy zańsyz alyp ótpek bolǵan 33 jastaǵy Qazaqstan azamatyn ustady. Bul týraly Ulttyq qaýipsizdik komıteti shekara qyzmetiniń baspasóz qyzmeti habarlady.
«Oral shekara otrıadyna qarasty «Jaıyq» baqylaý-ótkizý beketiniń baqylaýshylary «Máskeý-Almaty» baǵytyndaǵy jolaýshylar poıyzyn tekserý kezinde salmaǵy 2 kılodaı áshekeıli zattardy jasyryn túrde áketip bara jatqan 33 jastaǵy Qazaqstan azamatyn ustady», - delingen baspasóz habarlamasynda.
Syrǵa, júzik sekildi altynnan jasalǵan buıymdardyń jalpy quny 10 mln. teńgege jýyqtaıdy. Qazir osy oqıǵaǵa baılanysty tergeý amaldary júrgizilýde.
Baqytbek Keneshuly.
Derekkóz: UQK ShQ baspasóz qyzmeti
Foto: Ru. 123 rf. som.
