Kitaptyń avtory, Qazaq ulttyq óner ýnıversıteti «Dombyra» kafedrasynyń professory, kúıshi, Qazaqstannyń eńbek sińirgen qaıratkeri Janǵalı Júzbaı bul eńbek Súgir kúıshiniń murasyn qurmet tutatyn barsha oqyrman aýdıtorııasynyń qajetine jaraıtyn ádebıet bolatynyna úmitti.
Qorqyt baba murasynyń jalǵasy Yqylastyń shákirti, Qarataý kúıshilik mektebiniń negizin qalaýshy, kúıshi-kompozıtor Súgir Áliulynyń muralaryna arnalǵan kitapta Súgirdiń 60 kúıi jáne onyń ustazdary men ónegesin kórgen shákirtteriniń sırek oryndalatyn týyndylary jınaqtalǵan. «Teriskeı tolǵaýlary» kitabynyń tanystyrylymy men tusaýkeseri Túrkistanda «Áziret Sultan» memlekettik tarıhı-mádenı qoryq-mýzeıi» RMQK uıymdastyrǵan «Uly dalanyń uly kúıshisi» atty is-shara barysynda ótti. Onlaın formatta ótken jıynǵa tarıhshylar men ǵalymdar, jas kúıshiler, ulttyq aspapta oınaýshylar qatysyp, oı-pikirlerimen bólisti.
Túrkistan oblysy
