Máskeýden orden alyp qaıtty

Jýyrda Batys Qazaqstan oblysynyń Aqjaıyq aýdanyndaǵy Taıpaq aýrýhanasy «Sala kóshbasshysy-2013» ataǵyna ıe boldy.

Jýyrda Batys Qazaqstan oblysynyń Aqjaıyq aýdanyndaǵy Taıpaq aýrýhanasy «Sala kóshbasshysy-2013» ataǵyna ıe boldy.

Osyǵan oraı aýrýhananyń bas dárigeri, óńirge tanymal hırýrg Hamıt Eralın Máskeý qalasyna arnaıy baryp qaıtty. Reseı Federasııasy saýda-ónerkásip palatasynyń kongress ortalyǵynda ótken ekonomıka kóshbasshysy bolyp tanylǵandardy resmı marapattaý sharasyna Reseı, Ýkraına, Qazaqstan, Belarýs, Ázer­baıjan elderinen 78 kásiporyn qatys­ty. Atalmysh shara osymen on úshinshi ret uıymdastyrylyp otyr.

Ulttyq bıznes-reıtıngter ha­lyqaralyq reıtıngtik odaǵynyń qoldaýymen respýblıkalyq reı­­tıngtik baǵdarlama boıynsha Qazaq­stan ekonomıkasynyń kóshbasshy kásip­oryndaryn ulttyq statıstıkalyq saralaý málimeti negizinde Taıpaq aýrýhanasy sala kóshbasshysy bolyp tanyldy. Sonyń negizinde  bas dáriger H.Eralın reıtıngtik qaýym­dastyqtyń «Qazaqstan Dańqy» orde­nimen marapattaldy. Bul orden jeke tulǵalarǵa eńbektegi erekshe jetis­tikteri úshin beriledi. Sonymen qatar, aýrýhananyń nevropatolog dárigeri Janat Janǵalıeva «Jyl mamany» atansa, kóz dárigeri Gúlnár Mákimova «Eńbektegi tıimdiligi úshin» medalimen marapattaldy.

Temir QUSAIYN,

«Egemen Qazaqstan».

Batys Qazaqstan oblysy.