2013 jylǵy 17 qyrkúıek, Astana qalasy
Kirme joldarmen júrý qaýipsizdigi talaptarynyń saqtalýyn tekserý,
sondaı-aq jeke jáne zańdy tulǵalardyń bagajdy, júkter men júk-bagajdy tıeý, túsirý (bosatý) jónindegi qyzmetti júzege asyrýy kezinde tasymaldaýshy men Ulttyq ınfraqurylym operatorynyń qatysý qaǵıdalaryn bekitý týraly
«Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń 32-baby 3-tarmaǵyna sáıkes buıyramyn:
1. Qosa berilip otyrǵan Kirme joldarmen júrý qaýipsizdigi talaptarynyń saqtalýyn tekserý, sondaı-aq jeke jáne zańdy tulǵalardyń bagajdy, júkter men júk-bagajdy tıeý, túsirý (bosatý) jónindegi qyzmetti júzege asyrýy kezinde tasymaldaýshy men Ulttyq ınfraqurylym operatorynyń qatysý qaǵıdalary bekitilsin.
2. Qazaqstan Respýblıkasy Kólik jáne kommýnıkasııa mınıstrliginiń Kóliktik baqylaý komıteti (Q.B. Ábsattarov):
1) osy buıryqty belgilengen zańnamalyq tártippen Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden keıin buqaralyq aqparat quraldarynda resmı jarııalaýdy, onyń ishinde Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
3) Qazaqstan Respýblıkasy Kólik jáne kommýnıkasııa mınıstrliginiń Zań departamentine osy buıryqtyń Qazaqstan Respýblıkasy Ádilet mınıstrliginde memlekettik tirkelýinen keıin 5 jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri A.Ǵ. Bekturovqa júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótkennen keıin qoldanysqa engiziledi.
Mınıstr A.JUMAǴALIEV.
Qazaqstan Respýblıkasy Kólik jáne kommýnıkasııa mınıstriniń
2013 jylǵy 17 qyrkúıektegi №721 buıryǵymen bekitilgen
Kirme joldarmen júrý qaýipsizdigi talaptarynyń saqtalýyn tekserý, sondaı-aq jeke jáne zańdy tulǵalardyń bagajdy, júkter men júk-bagajdy tıeý, túsirý (bosatý) jónindegi qyzmetti júzege asyrýy kezinde tasymaldaýshy men Ulttyq ınfraqurylym operatorynyń qatysý qaǵıdalary
1. Jalpy erejeler
1. Osy Kirme joldarmen júrý qaýipsizdigi talaptarynyń saqtalýyn tekserý, sondaı-aq jeke jáne zańdy tulǵalardyń bagajdy, júkter men júk-bagajdy tıeý, túsirý (bosatý) jónindegi qyzmetti júzege asyrýy kezinde tasymaldaýshy men Ulttyq ınfraqurylym operatorynyń qatysý qaǵıdalary (budan ári – Qaǵıdalar) «Temir jol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń (budan ári – Zań) 32-babynyń 3-tarmaǵyna sáıkes ázirlendi.
2. Qaǵıdalar Kirme joldarmen júrý qaýipsizdigi talaptarynyń saqtalýyn tekserý, sondaı-aq jeke jáne zańdy tulǵalardyń bagajdy, júkter men júk-bagajdy tıeý, túsirý (bosatý) (budan ári – tıeý jáne túsirý) jónindegi qyzmetti júzege asyrýy kezinde tasymaldaýshy men Ulttyq ınfraqurylym operatorynyń qatysý tártibin ýákiletti organmen belgilengen.
3. Ýákiletti organmen kirme joldarmen júrý qaýipsizdigi talaptarynyń saqtalýyna tekserý tekseriletin sýbektilerdiń qyzmetine qoıylatyn talaptarǵa sáıkes júrgiziledi, Qazaqstan Respýblıkasynyń normatıvtik quqyqtyq aktilerimen, al Qazaqstan Respýblıkasynyń zańdarynda kózdelgen jaǵdaılarda, tek qana Qazaqstan Respýblıkasynyń zańdarymen, Qazaqstan Respýblıkasy Prezıdentiniń jarlyqtarymen jáne Qazaqstan Respýblıkasy Úkimetiniń qaýlylarymen belgilenedi.
4. Ýákiletti organ kirme joldarmen júrý qaýipsizdigi talaptarynyń saqtalýyn tekserýdi tasymaldaýshy men Ulttyq ınfraqurylym operatorynyń qatysýynsyz júrgizgen jaǵdaıda, osy Qaǵıdalardyń talaptary qoldanylmaıdy.
2. Tekserýdi júrgizýdegi tasymaldaýshy men
Ulttyq ınfraqurylym operatorynyń qatysý tártibi
5. Kirme joldarmen júrý qaýipsizdigi talaptarynyń saqtalýyn tekserý ýákiletti organnyń jartyjyldyq josparyna sáıkes júrgiziledi.
6. Ýákiletti organ alǵa qoıylǵan mindetterdi iske asyrý úshin ýákiletti organnyń quzyretine jatqyzylǵan máseleler boıynsha júrgiziletin tekseristerge, onyń ishinde kirme joldardy kútip-ustaýǵa jáne bagajdy, júkter men júk-bagajdy tıeý, túsirýge (bosatý) qatysý úshin tıisti mamandardy tasymaldaýshy men Ulttyq ınfraqurylym operatoryn tarta alady.
Bul rette, tasymaldaýshy men Ulttyq ınfraqurylym operatorynyń mamandaryn tekseriske qatystyrý úshin osy týraly ýákiletti organ tekseris bastalǵanǵa deıin bir jumys kúninen keshiktirmeı jazbasha túrde habarlaıdy.
О́z kezeginde Tasymaldaýshy men Ulttyq ınfraqurylym operatory habarlamany alǵan sátten bastap hatta kórsetilgen merzimge mamandardy tekseriske qatysý úshin jiberedi.
7. Kirme joldarǵa tekserýdi júrgizý kezinde tasymaldaýshy men Ulttyq ınfraqurylym operatory mamandarynyń qatysýymen ýákiletti organ olardy quqyqtyq statıstıka jáne arnaıy esepke alý jónindegi ýákiletti organda tirkeletin Tekserýdi taǵaıyndaý týraly aktige qosady.
8. Tekserý qorytyndysy boıynsha joldardy kútip-ustaýda qozǵalys qaýipsizdigine qaýip tóndiretin aqaýlar tapqanda jáne jyljymaly quramnyń, konteınerlerdiń jáne júkterdiń saqtalýyn qamtamasyz etpegeni anyqtalǵan jaǵdaıda tasymaldaýshy men Ulttyq ınfraqurylym operatorynyń mamandary anyqtamany (qorytyndy) ázirleıdi.
9. Ýákiletti organ kirme joldy tekserý qorytyndysy boıynsha Tasymaldaýshy men Ulttyq ınfraqurylym operatorynyń mamandarynyń ázirlengen anyqtamasynda (qorytyndy) berilgen faktilerdi esepke ala otyryp Qazaqstan Respýblıkasy Kólik jáne kommýnıkasııa mınıstriniń mindetin atqarýshynyń 2006 jylǵy 13 shildedegi «Tekserý júrgizýge, júrgizilgen tekserý nátıjelerin resimdeýge arnalǵan aktilerdiń, júrý qaýipsizdigin buzýshylyq jaǵdaılaryn esepke alý jónindegi qajetti esep qujattarynyń, anyqtalǵan buzýshylyqtardy joıýǵa nusqamalardyń nysandaryn bekitý týraly» (normatıvtik quqyqtyq aktilerdi memlekettik tirkeý tiziminde №4317 tirkelgen) №175 buıryǵymen (budan ári - №175 buıryq) bekitilgen nysanǵa sáıkes Tekserý aktisin ázirleıdi.
Tekserý nátıjeleri boıynsha buzýshylyqtar anyqtalǵan jaǵdaıda ýákiletti organ №175 buıryqqa sáıkes belgilengen nysan boıynsha anyqtalǵan buzýshylyqtardy joıý týraly nusqamany engizedi, sondaı-aq Qazaqstan Respýblıkasynyń ákimshilik quqyq buzýshylyq týraly zańnamasyna sáıkes ákimshilik quqyq buzýshylyqtardy qarastyrady.
10. Tekserýdiń nátıjeleri boıynsha eskertýler jáne (nemese) qarsylyqtar bolǵan jaǵdaıda tarmaq ıelenýshi olardy jazbasha túrde jazady.
Eskertýler jáne (nemese) qarsylyqtar tekserý aktisine qosa beriledi, ol týraly tıisti belgi jasalady.
11. Tarmaq ıelenýshi kórsetilgen aktiniń negizinde kirme joldar qyzmetterin kórsetýdi toqtatady.
12. Tekserýdi júzege asyrý kezinde tekseriletin sýbektilerdiń quqyqtary men zańdy múddeleri buzylǵan jaǵdaıda tekseriletin sýbekti memlekettik kóliktik baqylaý organy, tasymaldaýshy nemese Ulttyq ınfraqurylym operatorynyń is-áreketine (áreketsizdigine) Qazaqstan Respýblıkasynyń zańnamasynda belgilengen tártippen sotqa shaǵymdana alady.
Buıryq Qazaqstan Respýblıkasynyń Ádilet mınıstrliginde 2013 jylǵy 18 qazanda Normatıvtik quqyqtyq kesimderdi memlekettik tirkeýdiń tizilimine №8825 bolyp engizildi.
