Aqtóbe oblystyq qylmystyq ister arnaıy soty geroın satqan polıseıdi 10 jylǵa sottady. Bul týraly Ras.kz habarlady.
Sot úkimi Aqtóbe stansasy jelilik ishki ister basqarmasy esirtkige qarsy kúres bóliminiń jedel ókiline qatysty shyǵaryldy. Ol geroındi asa iri kólemde zańsyz alǵany jáne saqtaǵany úshin aıyptalǵan.
Oblystyq sot baspasóz qyzmetiniń aqparyna júginsek, sol kezde qyzmette júrgen polısııa kapıtanynyń qol sómkesinen asa iri kólemdegi geroın tabylǵan eken. Munan ózge, kapıtannyń eki ret geroın satqany týraly fakti belgili boldy.
Saıt tilshisiniń jazýynsha, Aqtóbe oblystyq qylmystyq ister arnaıy soty polıseıdi Qylmystyq kodekstiń 259-baby 3-bóligi «g» tarmaǵy boıynsha aıypty dep taýyp, oǵan múlikterin tárkileı otyryp, qatań rejımdegi túzetý kolonııasynda 10 jyl otyrý jazasyn kesipti.
Úkim áli zańdy kúshine engen joq.
Baqytbek Keneshuly.
Derekkóz: Ras.kz
Foto: Ras.kz.
