Údemeli ındýstrııalyq-ınnovasııalyq damý memlekettik baǵdarlamasynyń aıasynda 2010-2018 jyldar aralyǵynda oblysta 38 jobany júzege asyrý kózdelgen. Belgilengen jospar boıynsha qazirge deıin 29 joba iske qosylyp, 4 myńnan asa jumys oryndary ashyldy.
Údemeli ındýstrııalyq-ınnovasııalyq damý memlekettik baǵdarlamasynyń aıasynda 2010-2018 jyldar aralyǵynda oblysta 38 jobany júzege asyrý kózdelgen. Belgilengen jospar boıynsha qazirge deıin 29 joba iske qosylyp, 4 myńnan asa jumys oryndary ashyldy. Onyń ishinde kólemi 21 mıllıard teńgeni quraıtyn jáne 626 jumys ornymen qamtamasyz etken 8 ınvestısııalyq joba ótken jyly óz jumysyna kiristi. Bir jobanyń tusaýy sol jyldyń sońyna deıin kesilse, 5 joba bıylǵy jyly, al 3 joba 2015-2018 jyldary el ıgiligine beriledi. Eldiń áleýmettik jaǵdaıy men ekonomıkasyna úles qosqan jańa jobalardyń 19-y nemese 66 paıyzynyń «mekenjaıy» aýdandarǵa tirkelgen.
Deı tursaq ta, oblysta qıyn túıinge aınalyp otyrǵan bir joba bar. Ol – Moıynqum aýdanyndaǵy «ACIG» AQ dep atalatyn Hantaý sement zaýyty. Bul kompanııa jumysy aınalym qarajatynyń jetkiliksizdiginen ónim óndire almaı, toqtap tur. Qazirgi ýaqytta osy túıindi joba boıynsha jańa ınvestor tabylǵan. Qıyn shaqta qol ushyn bergen qarjy ıesiniń aıtýynsha, kompanııa jaqyn ýaqytta iske kirisip, 2014 jyldyń alǵashqy jartysynan bastap ónim óndire bastamaq.
Kósemáli SÁTTIBAIULY,
«Egemen Qazaqstan».
Jambyl oblysy.
