Sokolov-Sarybaı ken óndirý birlestigindegi ken daıyndaý jáne baıytý fabrıkasynyń №3 jáne 5 keptirý jelilerin jańartý-jańǵyrtý jumystary aıaqtaldy. Ol kásiporynnyń ınvestısııalyq baǵdarlamasynyń aıasynda júrgizildi. Keptirý ýchaskesi – fabrıkada eń mańyzdy nysannyń biri.
Sokolov-Sarybaı ken óndirý birlestigindegi ken daıyndaý jáne baıytý fabrıkasynyń №3 jáne 5 keptirý jelilerin jańartý-jańǵyrtý jumystary aıaqtaldy. Ol kásiporynnyń ınvestısııalyq baǵdarlamasynyń aıasynda júrgizildi. Keptirý ýchaskesi – fabrıkada eń mańyzdy nysannyń biri.
– Konveıerli kólikpen baıytý ýchaskesinen ylǵaldylyǵy 9,8 paıyz konsentrat kelip túsedi. Tutynýshyǵa tıisti sapadaǵy konsentrat qatyp qalmas úshin keptirý jelilerinde ylǵal kórsetkishi 3 paıyzǵa deıin tómendetiledi, – keptirý ýchaskesiniń bastyǵy Petrash Evgenıı daıyn ónimdi alý tehnologııasyn osylaı túsindiredi. Qazir ýchaskeni jartylaı jańartý jumystary júrgizilgen. Jańa jabdyq saǵatyna 200 tonna konsentratty keptire alady, al burynǵy eski úlgidegi keptirý jelileri saǵatyna 155 tonnaǵa ǵana úlgeretin edi. Shıkizat ónimdiligin arttyrý jáne sapasyn jaqsartý fabrıka kesheninde óndiris kólemin úzdiksiz arttyrýdyń kepili.
Keptirý jelilerin jınaqtaý irgetasty ornatý, keptirý barabandaryn, gaz tazartý júıelerin montajdaý, jylý generatoryn tóseý sııaqty aýqymdy jumystar tizbesin qamtydy. Jańartý qalaqty saptamalardyń ishki sulbasyn ózgertýdi qarastyrdy. Olardyń arasyndaǵy araqashyqtyqty ulǵaıtý konsentratty jaqsy keptirýge áser etedi.
– Tehnıkalyq qaıta jabdyqtaý jáne jańartý-jańǵyrtý jumystary fabrıka kesheniniń barlyq ýchaskelerinde júzege asyrylady. Búginde qýattylyqty jańarta otyryp, óndiristiń turaqtylyǵy men ónimdiliktiń artýyna qol jetkizýge bolady. Munyń barlyǵy da tutynýshylardyń joǵary sapaly ónimdi alýlaryna kásiporyn ujymynyń múddeliliginen týyndaıdy, – deıdi «SSKО́B» AQ prezıdenti Muhamedjan Turdahýnov.
Keptirý jelilerin jańartý jumystary bıylǵy jyly da jalǵasady. Osy kezeńge qalǵan tórt jelini aýystyrý josparda bar.
Názıra JÁRIMBETOVA,
«Egemen Qazaqstan».
RÝDNYI.
