Eki ǵasyrdan astam tarıhy bar, Tuńǵysh Prezıdentimiz N.Nazarbaevtyń tabany eki ret tıgen qasıetti de kıeli Orda topyraǵy taǵy bir tarıhı jádigermen tolyqty. Kúni keshe ǵana munda 1918 jyly ashylǵan tuńǵysh Qazaq keńestik baspahanasynyń 95 jyldyǵyna oraı Bókeı ordasy tarıhı murajaı kesheni quramynda jańadan baspahana murajaıy ashyldy.
Eki ǵasyrdan astam tarıhy bar, Tuńǵysh Prezıdentimiz N.Nazarbaevtyń tabany eki ret tıgen qasıetti de kıeli Orda topyraǵy taǵy bir tarıhı jádigermen tolyqty. Kúni keshe ǵana munda 1918 jyly ashylǵan tuńǵysh Qazaq keńestik baspahanasynyń 95 jyldyǵyna oraı Bókeı ordasy tarıhı murajaı kesheni quramynda jańadan baspahana murajaıy ashyldy.
Bul jańa ǵımarattyń esigine kerilgen lentany qııý qurmeti oblystyq mádenıet, muraǵattar jáne qujattama basqarmasynyń basshysy A.Batyrhanov pen qart qalamger Turaqbaı Shákenovke buıyrdy. Osynaý saltanatty sharaǵa aýdan ákimi Nurlan Rahymjanov ta qatysyp, óziniń izgi tilegin jetkizdi.
Iá, bul shejireli mekenniń aıtar syry da, jyry da kóp. Jańa murajaı ekspozısııasynda tuńǵysh qazaq baspahanasy tarıhy barynsha qamtylypty. Baspahana murajaıynan basylyp shyqqan «Habar», «Qazaq durystyǵy», «Durystyq joly» gazetteriniń alǵashqy nómirleriniń kóshirmelerin, «Habar» gazetiniń tuńǵysh redaktory S.P.Mılıýtınniń, alǵashqy árip terýshiler Ibrahım Mýlıakaevtiń, Abdolla Dengızbaevtyń, gazet-jýrnaldar shyǵarýǵa belsene qatysqan basqa da tulǵalardyń fotosýretterin kórýge bolady. Jańa ǵasyr basyna deıin aýdan ómiriniń aınasy – «Orda juldyzy» gazetin shyǵaryp kelgen aýdandyq baspahanadaǵy túrli polıgrafııalyq qural-jabdyqtardyń da ret-retimen osynda oryn tebýi jarasyp-aq tur. Erteń-aq olar da qundy jádigerge aınalary haq.
– Osymen boldyq deı almaımyz. Kezinde bul baspahanadan túrli gazet-jýrnaldarǵa qosa, saıası, ádebı broshıýralar shyǵarýǵa atsalysqan Eleýsin Buırın, Ǵumar Qarash, Seıitqalı Meńdeshev, Halel Esenbaev, taǵy basqa da kóptegen tarıhı tulǵalar týraly derekti málimetter jınastyrý ústindemiz, deıdi keshen dırektory Ǵaısa Temirbolatuly.
Temir QUSAIYN,
«Egemen Qazaqstan».
Batys Qazaqstan oblysy,
Bókeı ordasy aýdany.
