Qoǵamy qaıyrymdy, ortasy meıirimdi bolsa, jetim bala da, baǵýsyz qart ta jalǵyzsyramaıdy. Aýyr taǵdyr aınaladaǵy jandardyń shýaǵynan jylynyp, kóńil saraıy nurlana túsedi. Mańǵystaýlyq ónerpazdar el arasyndaǵy jetimdikten joq-jitiktikke dýshar bolǵan balalarǵa qoldaý kórsetýdi qolǵa aldy.
Qoǵamy qaıyrymdy, ortasy meıirimdi bolsa, jetim bala da, baǵýsyz qart ta jalǵyzsyramaıdy. Aýyr taǵdyr aınaladaǵy jandardyń shýaǵynan jylynyp, kóńil saraıy nurlana túsedi. Mańǵystaýlyq ónerpazdar el arasyndaǵy jetimdikten joq-jitiktikke dýshar bolǵan balalarǵa qoldaý kórsetýdi qolǵa aldy.
Mańǵystaý oblystyq mádenıet basqarmasy basshylyǵynyń uıymdastyrýymen ótken qaıyrymdylyq sharasy «Sen jalǵyz emessiń» dep ataldy. Oblystyń jeti aýdan, qalalarynan jınalǵan 7 oqýshynyń biri ánshi bolsa, biri bıshi, biri sportshy, endi biri oqý ozaty. Jas ómirlerine óner men bilimdi serik etýdi maqsat tutyp, jastaıynan izgilikke umtylǵan bul balalar ata-ana jylýynan erte aıyrylǵandar.
– Kúndelikti qym-qýyt tirligimizde, jumys barysynda jetim balalardy jadymyzdan shyǵarmaýǵa tıispiz. Ata-ana meıiriminen aıyrylǵanmen, olar qoǵam jylýynan aıyrylmaýy qajet. Sondyqtan, bıyldan bastap balalardyń qasynan tabylyp, ómirine sál de bolsa qýanysh syılaý maqsatynda osy sharany uıymdastyrýdy maqsat ettik, – deıdi Mańǵystaý oblystyq mádenıet basqarmasynyń basshysy Bekbol Bazarbaev.
Balalarǵa jańa jyldyq syılyqtarmen birge, noýtbýktar tartý etildi. Ár balaǵa syılyqty óziniń beıimine saı belgili óner adamdary men sportshylar, sondaı-aq, memlekettik qyzmetkerler tabystady.
Kim bilgen, bul jetkinshekterdiń ata-anasy bar balalardyń qolyndaǵy noýtbýkqa qyzyǵyp, bir ustap kórsem degen armandary bolǵan da shyǵar. Endi olar qajet málimetti óz kompıýterinen izdep, tabatyn bolady.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
