Májilis Tóraǵasy Nurlan Nyǵmatýlın Koreıa Respýblıkasynyń Qazaqstandaǵy Tótenshe jáne ókiletti elshisi Pek Chý Hıondy qabyldady, dep habarlady osy palatanyń baspasóz qyzmeti.
Májilis Tóraǵasy Nurlan Nyǵmatýlın Koreıa Respýblıkasynyń Qazaqstandaǵy Tótenshe jáne ókiletti elshisi Pek Chý Hıondy qabyldady, dep habarlady osy palatanyń baspasóz qyzmeti.
Kezdesý barysynda taraptar qos eldiń prezıdentteri Nursultan Nazarbaev pen Pak Kyn Heniń eki memleket arasyndaǵy yntymaqtastyqty nyǵaıtýdaǵy aıryqsha úlesterin alǵa tarta otyryp, Qazaqstan men Koreıa qarym-qatynasynyń strategııalyq mańyzyna nazar aýdardy. Odan ári parlamentaralyq ózara is-qımyl taqyryby sóz bolyp, Nurlan Nyǵmatýlın onyń memleket basshylarynyń kelisimderin tıimdi júzege asyrýǵa yqpal etetinin atap aıtty.
О́z kezeginde Pek Chý Hıon bizdiń elimizdiń ekonomıkalyq qarqynyn joǵary baǵalady. Qazaqstan men Koreıa arasyndaǵy taýar aınalymy ótken jyldyń 9 aıy ishinde 1 mlrd. AQSh dollaryn qurady. Búgingi kúni bizdiń elimizde ońtústikkoreıalyq kapıtaldyń qatysýymen 700 birlesken kásiporyn jumys isteıdi. Elshiniń aıtýynsha, Qazaqstan Prezıdenti Nursultan Nazarbaevtyń arqasynda Qazaqstan ultaralyq jáne konfessııaaralyq kelisimniń jarqyn úlgisi bolyp tabylady. Bul búkil álemde óte joǵary baǵalanady.
Nurlan Nyǵmatýlın Koreıa tarapynyń Azııadaǵy ózara is-qımyl jáne senim sharalary jónindegi keńes, Álemdik jáne dástúrli dinder kóshbasshylarynyń sezderi, sondaı-aq, ıadrolyq qarýsyzdaný jáne taratpaý jónindegi forým jumystaryna belsene qatysýy eki el úshin de zor mańyzǵa ıe ekendigin atap kórsetti.
Kezdesý barysynda Májilis Tóraǵasy Ońtústik Koreıanyń halyqaralyq kórme ótkizýdegi ózindik tájirıbesi men tabysyn eske ala otyryp, atalǵan eldiń kompanııa ókilderin EKSPO-2017 kórmesiniń daıyndyq jumystaryna qatysýǵa shaqyrdy.
Kezdesý ıeleri eki el qarym-qatynasyn, sonyń ishinde, parlamentaralyq baılanystardy odan ári nyǵaıtýǵa múmkindikter jetkilikti ekenin bildirdi.
