Qaraǵandy oblysyndaǵy «Qazaqmys» korporasııasynyń qyzmetkerine «Sezıı-137» jarylǵysh zatyn satýǵa árekettendi degen aıyp taǵyldy. Bul týraly «Astana» telearnasy habarlady.
Tergeý materıaldary boıynsha, kásiporynnyń aǵa ınjeneri osydan 20 jyl buryn ýly kapsýlany qoldy etken. Keıin baǵasy kóterilgenin kútip, saýdaǵa shyǵarǵan kórinedi. Ol «Sezıı-137» jarylǵysh zatyn Jezqazǵan qalasyndaǵy tanystaryna satýǵa bergen. Al olar alatyn adamdardy izdestirý sátinde Ulttyq qaýipsizdik komıteti qyzmetkeriniń qolyna túsedi. «Satyp alýshy» kúdiktige 250 myń dollar usynypty. Alys-beris kezinde satýshy tutqyndaldy. Izinshe aǵa ınjenerdiń ózi de qolǵa tústi. Qazir urlyqqa qatysy bar tórt adamnyń ústinen qylmystyq is qozǵaldy. Aıta keteıik, «Sezıı-137» medısına, ǵarysh jáne ıadrolyq energetıkada qoldanylatyn radıoaktıvti zat. Qaýipsizdik talaptaryn qatań saqtamasa, ol asa qaýipti. Qorshaǵan ortany lastap, tipti adam ólimine ákelýi múmkin. «Sezııdiń» aýaǵa taralýy Chernobyl apaty kezinde tirkeldi. Qaýipti zatty zańsyz saqtaǵan jáne saýdalaýǵa árekettengen kúdiktiler alty jylǵa sottalýy múmkin.
«Aıyptalýshylardyń biri «Qazaqmys» korporasııasynda jetekshi ınjener bolyp qyzmet istegen. Ol «Sezıı» kapsýlasyn 1991 jyldan beri saqtap kelgen. Sodan soń ony sybaılastaryna tapsyrady. Qazirgi tańda tergeý amaldary júrgizilýde», - deıdi Qazybek bı aýdandyq sotynyń baspasóz hatshysy Álııa Josheva.
Baqytbek Keneshuly.
Derekkóz: «Astana» telearnasy
Foto: Chemistry – chemists. com.
