Almaty oblysynda óz qyzy men onyń qurbysyn 6 jasynan zorlap kelgen kásipker-pedofıl sottaldy. Bul týraly «31 arna» habarlady.
Qapshaǵaıdaǵy demalys oryndarynyń birinde kásibin dóńgeletip otyrǵan bıznesmen qarshadaı qos qyzǵa 8 jyl boıy qorlyq kórsetip kelgen. Soraqysy sol, qazir 14 jasqa kelgen qyzdardyń biriniń anasy, kásipker-pedofıldiń azamattyq nekedegi áıeli bolyp shyqty.
Sonymen, qapshaǵaılyqtardy dúrliktirgen bul qylmystyq is 2006 jyldan osy kúnge deıin jalǵasyp kelgen. Pedofıldiń azamattyq nekedegi áıeliniń qyzyna 6 jasynan bastap qorlyq kórsetip kelgeni málim boldy. Qarshadaı qyzdy «anańa aıtsań óltiremin» dep qorqytyp, aram oıyn iske asyrǵan. Bul keleńsizdikti prokýrorlar kezekti reıd barysynda anyqtady.
Qapshaǵaı qalalyq prokýratýrasy qozǵaǵan qylmystyq is sotqa jetkizilip, sot óz qyzy men onyń qurbysyn 8 jyl boıy zorlap kelgen qylmyskerge 18 jyl bas bostandyǵynan aıyrý týraly jaza kesti. Endi ol qatań rejımdegi kolonııada jazasyn óteıtin bolady.
Baqytbek Keneshuly.
Derekkóz: «31 arna»
Foto: Kursiv.kz.
