Jambyl oblysyndaǵy araq zaýyty ulttyq qundylyqtarymyzdy aıaq asty etti. Bul týraly «24 kz» habarlady.
«Qara jorǵa» dep atalǵan araqtyń syrtynda Aqtóbe oblysyndaǵy bı ujymynyń birneshe bıshisi burala bı bılep tur. Naqtyraq aıtar bolsaq, osydan 3 jyl buryn bı ujymy fotosessııaǵa túsken eken. Ile bul sýret jergilikti basylym betinde jaryq kóredi. Al Jambyl oblysynan shyǵatyn araqtyń syrtyna osy sýretti japsyrýǵa kimniń ruqsat bergeni beımálim kúıinde qalyp otyr.
«Álııa gúli» halyqtyq bı ansambliniń 35 jyldyq tarıhy bar. Joǵary deńgeıdegi óner jarystarynyń júldegeri. О́rimdeı bıshi qyzdardy ashy sýdyń syrtyna japsyrý ónerge degen qastandyq deıdi bı ujymynyń kórkemdik jetekshisi. Bosaǵan shólmekpen birge qazaqtyń bıi qoqysta jata ma dep qorqady. Araqty shyǵarǵan kompanııanyń ókilderi bolsa, álgi sýrettiń qaıdan alynǵanyn dóp basyp aıta almady .
«Men jarnamaǵa qarsy emespin. Biraq, ol adamdardy izgilikke úndeýge, qazaq ónerin órkendetýge baǵyttalýy tıis. Al bı arqyly ashy sýdy jarnamalaǵan qısynǵa kelmeıdi», - dedi «Álııa gúli» halyqtyq bı ansambliniń kórkemdik jetekshisi Sholpan Aınabekova.
Baqytbek Keneshuly.
Derekkóz: «24 kz»
Foto: «24 kz».
