Bıyl «QazSat-3» jer serigi ushyrylady. Bul týraly «24 kz» habarlady.
Baıqońyr ǵarysh aılaǵynan ǵarysh apparattaryn ushyrý týraly qujatty Úkimet bekitti. Qazaqstan men Reseı úkimetteriniń arasynda arnaıy kelisim bar. Sol boıynsha Baıqońyrdan ǵarysh apparattaryn ushyrý tártibi bekitilgen. Soǵan sáıkes, «Qazsat-3» baılanys jáne taratý serigin ushyrý osy jyldyń 30 sáýirinen keshiktirilmeýi kerek.
Bizge habarlasqan oqyrmandar Baıqońyr ǵarysh aılaǵyndaǵy qazirgi atqarylyp jatqan jumystar jóninde bilgisi keletinin aıtty. Osy oraıda Ulttyq ǵarysh agenttiginiń resmı ınternet-resýrsynda jarııalanǵan málimetti nazarlaryńyzǵa usynamyz.
Búgin, Baıqońyr ǵarysh aılaǵynda 2014 jyldyń alǵashqy ushyrylymdaryna daıyndyq jumysy bastaldy. Ol boıynsha ǵarysh aılaǵynyń 31-shi alańqaıyndaǵy maı quıý stansasynda «Iýjnyı» ǵaryshtyq ortalyǵy maı quıý stansalaryn paıdalaný ortalyǵynyń qyzmetkerleri «Progress M-22 M» tasymaldaýshy júk kemesi otyny komponentterine jabdyqtar men apparatýralardy ázirleýge kirisipti. Sondaı-aq, ǵarysh aılaǵynyń «91 A» alańqaıynda maı quıý-beıtaraptandyrý stansasynda «Brız-M» blogyna suıyqtyq quıý jumystary bastaldy, ol «Proton-M/TúrikSat-4A» baǵdarlamasy boıynsha ushyrylady. Al taıaý kúnderi zymyran-tasyǵyshtardy, ushyrý bloktaryn jáne ǵarysh apparattaryn ázirleý bastalady.
Aqpan aıynda Baıqońyr ǵarysh aılaǵynan «Progress M-22M» tasymaldaýshy júk kemesimen «Soıýz-Ý» zymyran-tasyǵyshyn jáne «TúrikSat-4A» túriktiń ǵaryshtyq baılanys ǵarysh apparatymen «Proton-M» zymyran-tasyǵyshyn ushyrý josparlanýda.
Danııar Túımebaı.
Derekkóz: «24 kz», Ulttyq ǵarysh agenttiginiń ınternet-resýrsy
Foto: Primeminister.kz.
