KHDR Ońtústik Koreıa prezıdenti Pak Kyn Heniń 1950-1953 jyldary koreı soǵysy kezinde birinen-biri kóz jazyp qalǵan otbasylardy kezdestirý jónindegi usynysyn qabyldamady. Bul týraly ITAR-TASS habarlady.
Soltústik Koreıa Ońtústiktiń byltyr júrgizgen, sondaı-aq bıyl da iske asyrýdy josparlaǵan áskerı amal-tásilderine qarsy ekenderin bildirdi. Olardyń usynysty qabyldamaýynyń basty sebebi de osy bolǵan kórinedi.
Jalpy KHDR Ońtústik Koreıamen qarym-qatynasyn jaqsartýdan qarsy emes. «Eger Ońtústik koreı soǵysy kezinde birinen-biri kóz jazyp qalǵan otbasylardy kezdestirý jónindegi Phenıannyń usynysyn talqylaǵysy kelse, biz kez-kelgen ońtaıly ýaqytta olarmen jolyǵýǵa daıynbyz», – dep jazyldy Soltústik Koreıanyń habarlamasynda.
Budan buryn Ońtústik Koreıa prezıdenti Pak Kyn He atalmysh sharany qańtar aıynda ótkizýdi josparlaǵan edi. Sonymen qatar, memleket basshysy Phenıanǵa bólinetin gýmanıtarlyq kómektiń mólsherin ulǵaıtýǵa sóz berip, KHDR basshysy Kım Chen Ynmen kez-kelgen ýaqytta jolyǵýǵa ázir ekenin jetkizgen bolatyn. «Bir-birinen kóz jazyp qalǵan otbasylardy jolyqtyrý syndy gýmanıtarlyq baǵdarlamalardyń júzege asyrylýy ekijaqty qarym-qatynasty jaqsartýǵa septigin tıgizedi», – dedi ol.
Aıdar О́risbaev.
Derekkóz: Itar-tass.com
Foto: Itar-tass.com
