Saılaý zańǵa sáıkes jáne ashyq ótti

Ortalyq qyzmetiniń negizgi baǵyty – saılaýǵa, onyń ishinde saılaý ýchaskelerinde baqylaý men monıtorıng júrgizý arqyly saılaý prosesine júıeli túrde qatysý. Ortalyqtyń fılıaldary elimizdiń barlyq óńirinde ornalasqan. Partııalyq emes baıqaý ortalyǵynyń tóraǵasy Tólegen Kúnádilov buqaralyq aqparat quraldary úshin brıfıng ótkizip, óńirlerdegi saılaý úderisin baqylaý nátıjesi jaıly baıandap berdi.

Saılaýdy «Partııalyq emes baıqaý ortalyǵy» aýdandyq mańyzy bar qalalardyń, aýyl­dar­dyń, kentterdiń, aýyldyq okrýg­terdiń ákimderin saılaýdy baıqaýǵa belsendi qatysty. Daýys berý kúni tańǵy saǵat 7.00-den bastap ortalyqtyń 2000-nan astam baıqaýshysy respýb­lıkanyń barlyq oblysyndaǵy eń shalǵaı saılaý ýchaskelerin qosa alǵanda, 1845 saılaý ýchaskesinde daýys berýdi baqylaýǵa qatysty. О́ńirlerdegi saılaýdy baqylaý boıynsha Partııalyq emes baıqaý ortalyǵynyń jumysyna seriktes úkimettik emes uıymnyń 95 ókili tartyldy. Ortalyq janynda ahýaldyq ortalyq jumys istedi, onda óńirlerden kelip túsken derekter óńdelip, taldandy. О́ńir­lik baıqaýshylar shtabtarymen jedel baılanys ornatyp, 14 oblysta fılıaldardyń basshylary jumysty úılestirip otyrdy», dedi Tólegen Kúnádilov.

Barlyq baıqaýshy saılaý ýchaskelerine qoldanystaǵy saılaý zańnamasyna, sondaı-aq sanıtarlyq-epıdemıologııalyq normalardyń talaptary­na sáı­kes jiberilgeni aıtyldy. Baı­qaýshylar elektorattyń bel­sendiligin atap ótken. Sondaı-aq saılaý komıssııalarynyń ju­my­syna shaǵym men teris pikir túspegen, saılaý ýchaskelerinde zań buzýshylyq tirkelmegen.

«Baıqaýshylarymyz anyq­taǵan zań buzýǵa tyrysý­shy­lyq áreketterdiń basym bóligi tehnıkalyq sıpatta bolǵanyn jáne jergilikti jerlerdegi saılaý komıssııalarynyń múshe­leri bul máselelerdi tıisinshe sheship otyrǵanyn atap ótken jón. Baıqalǵan zań buzýǵa ty­rysýshylyq áreketteriniń ishinde jekelegen azamattardyń óz otbasy músheleri úshin daýys berýge tyrysqany, da­ýys berý kabınasyna eki adamnan kirý, keıbir azamattar­dyń kýálandyratyn qu­jatsyz bıýlleten alýǵa nıet bildirýi, áleýmettik qashyq­­ty saq­ta­maý­­dyń jekelegen fakti­leri kezdesti. Bizdiń baı­qaý­shy­lar osyndaı 12 zań buzý­ǵa ty­ry­sýshylyq áreketterdi tir­­kedi. Jalpy, olarǵa jergi­lik­ti jerlerdegi saılaý komıs­sııa­­larynyń músheleri der kezinde den qoıyp, tıisinshe shara qoldanǵandyqtan, saılaý prosesiniń zańdylyǵy men ashyqtyǵyna eshqandaı áser etpedi», dedi Partııalyq emes baı­qaý ortalyǵynyń basshysy.

Baıqaýshylar saılaý ýchas­kelerinde saılaý prosesiniń sońyna deıin bolyp, daýystar­dy sanaýǵa qatysty da shaǵym túspegenin málimdegen. Olar daýysty sanaý rásiminiń jarııa­lylyǵy men ashyqtyǵyn atap ótken. Osy jaılardy baıandaǵan Partııalyq emes baıqaý orta­lyǵy­nyń tóraǵasy Tólegen Kúnádilov baıqaýshylardyń etıka kodeksin ázirleýdi usyndy.

«Partııalyq emes baıqaý ortalyǵy aldaǵy ýaqytta baı­qaýshylardyń etıka kodeksin ázirleýdi usynady. О́tken saı­laý baıqaýshylardyń bar­lyǵy birdeı óz mıssııasyn adal atqarmaıtynyn kór­set­ti. Baıqaýdyń negizgi maq­sa­ty – zańnamanyń  saq­ta­lýyn qamtamasyz etý ekeni­ne qa­ramastan, keıbir baıqaý­shy­lardyń ózderi keıde osy talaptardy buzyp jatady. Bul olar­dyń minez-qulqymen, son­daı-aq saılaý zańnamasyn durys bilmeýimen nemese tájirı­be­leri­niń joqtyǵymen baılanys­ty.

Biraq saılaý prosesiniń be­delin túsirý úshin ádeıi aran­datýshylyq áreketter jasaıtyndar da bar. Sondyqtan baıqaý ınstıtýtyn kásibılendirýdiń jáne jalpy baıqaý prosesiniń barlyq qatysýshylary saqtaýy kerek biryńǵaı normalardy ázirleıtin ýaqyt keldi. Biz baı­qaýshylardyń kásibı pýlyn daıar­laý úshin júıeli jáne jos­parly túrde jumys isteıtin bolamyz», dedi T. Kúnádilov.