Ishki ister mınıstrligi Memleket basshysynyń tapsyrmasy boıynsha PSR anyqtamasy men vaksınasııa pasportyn qoldan jasaý jáne paıdalaný faktilerin anyqtaý jáne jolyn kesý boıynsha jumys istep jatyr.
Jyl basynan beri ishki ister organdary jalǵan PSR-testin satý jáne paıdalaný boıynsha – 45 qylmystyq is , vaksınasııa pasporttaryn satý jáne paıdalaný boıynsha 35 qylmystyq is qozǵady. Áýejaı men temir jol vokzaldarynda azamattardyń kovıd-mártebesin «Ashyq» qosymshasy arqyly tekserý, sonymen qatar PSR-test anyqtamasy, vaksınasııa pasportynyń shynaıylyǵyna tekserý kúsheıtildi.
Kóliktegi polısııa departamentiniń bastyǵy Ońal Bekeevtiń aıtýynsha, Almaty qalasyndaǵy halyqaralyq áýejaıda kólik polıseıleri áýejaı qyzmetkerlerimen birlesip, PSR-anyqtamalar men bıletterdi beıtanys adamnan satyp alǵan jigit pen qyzdy anyqtady. Olar Túrkııaǵa demalysqa bara jatqan. Sondaı-aq jalǵan PSR-test anyqtamasyn alyp, Belarýs Respýblıkasyna ushpaq bolǵan Shymkent qalasynyń turǵyny da ustalǵan.
«Olar ushýǵa jiberilgen joq. Osy atalǵan faktiler boıynsha QR Qylmystyq kodeksi 385-babynyń 3-bóligimen (Kórneý jalǵan qujatty paıdalaný) boıynsha sotqa deıingi tergep-tekserý bastaldy», dedi O.Bekeev.
Aıta keteıik, jalǵan qujat daıyndaǵany úshin tórt jylǵa deıngi bas bostandyǵynan aıyrý túrindegi qylmystyq jaýapkershilik kózdelgen. Ony paıdalanǵandar úshin 40 táýlikke deıin qamaqqa alý túrindegi jaza bar.
