Qyrǵyzstan bıligi Tájikstanmen shektesetin barlyq shekaralyq ótkizý beketteri men keden beketterin ýaqytsha jabý jóninde sheshim qabyldady. Bul týraly ITAR-TASS agenttigine silteme jasaǵan Ras.kz habarlady.
«О́tkizý beketteri qalyptasqan jaǵdaı durystalǵanǵa deıin jabyq turady, – dep túsindirdi Qyrǵyzstan syrtqy ister mınıstrliginiń baspasóz qyzmeti . – Bizdiń tarapymyzdan atalǵan shara etnos aralyq janjaldardyń aldyn alý jáne shekaralas aýdandardaǵy turǵyndardyń qaýipsizdigin qamtamasyz etý maqsatynda qabyldandy».
Senbi kúni Qyrǵyzstannyń Batken oblysy Aq-Saı eldi mekeninde qyrǵyz jáne tájik shekarashylary arasynda atys bolyp, onyń barysynda mınometten oq atyldy. Nátıjesinde qyrǵyz jaǵynan 6 áskerı qyzmetker jaraqat aldy, olardyń ekeýi qazir aýyr halde jatyr. Qyrǵyzstan úkimeti oq atýdy tájik jaǵy bastaǵanyn aıtyp otyr. Osyǵan baılanysty respýblıka shekara qyzmetiniń basshylary Batken oblysyna jiberildi.
Qyrǵyzstan syrtqy ister mınıstrliginiń málimdeýinshe, Tájikstanǵa Bishkek qalyptasqan jaǵdaıǵa jáne tájik áskerı qyzmetkerleriniń otty qarý qoldanǵanyna alańdaýshylyq bildirgen taǵy bir nota joldaǵan. Budan buryn Qyrǵyzstan úkimeti oryn alǵan ınsıdentti tájik tarapymen birge tekserýge daıyn ekenin bildirgen bolatyn.
Aıdar О́risbaev.
Derekkóz: Ras.kz
Foto: Lenta.ru
