Atyraýda bıznesmenderdiń is-áreketterin tekserý barysynda zań talaptaryn buzǵan 50 sheneýnik jazaǵa tartyldy. Bul týraly Ras.kz habarlady.
«Atyraý oblysynyń prokýrorlary ótken jyldyń qorytyndysy boıynsha bıznes jumysyna retsiz aralasýǵa baılanysty úsh júzden astam tártip buzýshylyqtyń oryn alǵanyn anyqtady. Nátıjesinde 50 sheneýnik jaýapkershilikke tartyldy», – delingen habarlamada.
Jergilikti óńirdegi jónsiz tekserýge baılanysty kásipkerler men prokýrorlar birlesip, ózara memorandýmǵa qol qoıdy. Saıtta jazylǵan derekke júginsek, ótken jyldyń ózinde kásipkerler quqyn buzýǵa qatysty tórt júzden asa shaǵym túsken.
«Qazirdiń ózinde bizge kóptegen kásipkerler kelip, belgili bir jaǵdaılarda quqyqtaryn qorǵaýdy ótinedi. Olar kóbine-kóp jer máselelerine qatysty, arhıtektýra jelisi boıynsha ruqsat alýdyń qıyndyǵyna baılanysty bolyp keledi», – dedi oblystyq kásipkerler palatasynyń dırektory Asylbek Jaqıev.
Oblystyq prokýratýranyń ókili Aslan Nurǵalıev atap ótkendeı, atalmysh memorandýmnyń maqsaty – kásipkerlik sýbektileriniń múddelerin qamtamasyz etý ári bıznesti damytýda eki jaqty birlesken jáne úılesimdi is-qımyldy júzege asyrý.
Baqytbek Keneshuly.
Derekkóz: Ras.kz
Foto: Ras.kz.
