Aldaǵy aqpan aıynda Reseıdiń Sochı qalasynda ótetin XII Qysqy Olımpııalyq oıyndarda Qazaqstan quramasynyń tý ustaýshysy shańǵyshy Erdos Ahmadıev (sýrette) bolyp bekitildi. Bul týraly Ras.kz habarlady.
14 qańtar kúni Almaty mańyndaǵy Soldat saıynda ornalasqan shańǵy-bıatlon kesheninde Qazaqstannyń shańǵymen júgirýden chempıonatynyń birinshi týry bastalady. Birinshilikke óziniń jeke baǵdarlamasy boıynsha daıyndyǵyna kirisken Alekseı Poltoranınnen basqa elimizdiń myqty shańǵyshylarynyń bári qatysady.
Chempıonattyń negizgi jarystary 15 qańtarda ótedi. Al 16 qańtar kúni erkin júrispen bólek-bólek jarysý bolady. Munyń sońǵysyna Ýkraına men Túrkııanyń da sportshylary qatysady.
Eske sala keteıik, budan tórt jyl buryn Vankýverde ótken Qysqy Olımpııalyq oıyndarda Qazaqstan quramasynyń týyn bıatlonıst Dıas Keneshov alyp ótken bolatyn.
Sochı Olımpıadasy 2014 jylǵy 6 aqpanda bastalyp, 23 aqpanda aıaqtalady. Onyń ashylý saltanaty 7 aqpanda ótse, jabylýy 24 aqpanǵa týra keledi.
Danııar Rahman.
Derekkóz: Ras.kz
Foto: Ras.kz.
