Ár otbasynda urpaqtan urpaqqa jalǵasatyn dástúr bolatyny belgili. «At tuıaǵyn taı basar» degendeı, balalary da ata-analarynyń jolyn qýyp, kásipterin jalǵastyrady. Sol sebepti men de bolashaq mamandyq tańdaýda kóp oılanǵan joqpyn.
Ár otbasynda urpaqtan urpaqqa jalǵasatyn dástúr bolatyny belgili. «At tuıaǵyn taı basar» degendeı, balalary da ata-analarynyń jolyn qýyp, kásipterin jalǵastyrady. Sol sebepti men de bolashaq mamandyq tańdaýda kóp oılanǵan joqpyn. Mektep bitirgen soń zań fakýltetine túsip, bolashaqta prokýror bolýdy sheshtim. Qazir Shyǵys Qazaqstan oblystyq prokýratýrasynda qyzmet etemin. Meniń atam – Barıan Tursynov 3-synypty memlekettik ádilet keńesshisi, búkil sanaly ǵumyryn ádilettiń aq jolyna arnaǵan, sodan taımaǵan prokýror edi. Ol ótken jyly 90 jasqa toldy.
Barıan Tursynov 1923 jyly Semeı oblysyndaǵy Jarma aýdanynyń Malaı aýylynda dúnıege keldi. Balalyq shaǵy Shar qalasynda ótti. Osyndaǵy mektepte oqydy. Soǵys bastalǵanda óz erkimen maıdanǵa attandy. Jas jigit Soltústik-Batys maıdanda jaýmen shaıqasyp Berlınge deıin jetip, Jeńisti sonda qarsy aldy.
Erligi úshin barlaýshy Barıan Tursynov kóptegen orden, medaldarmen marapattaldy. Ol tek 1947 jyly týǵan elge aman-esen oralyp, Almaty zań ınstıtýtyna oqýǵa tústi, ony 1951 jyly úzdik bitirdi. Arnaıy joldamamen Semeı oblysynyń prokýratýrasyna tergeýshi bolyp qyzmetke ornalasty. Munda tııanaqtylyǵymen ári iskerligimen kózge túsip alǵysqa bólendi. 1953 jyldan 1962 jylǵa deıin Semeı oblystyq partııa komıtetinde nusqaýshy, bólim meńgerýshisi boldy. Sodan keıin 15 jyl boıy Jambyl oblysynyń prokýratýrasyna basshylyq etti. Al 1977 jyly Taldyqorǵan oblysynyń prokýrory bolyp taǵaıyndalyp, munda 11 jylǵa jýyq qyzmet atqardy. Sóıtip, osy jerden zeınet demalysyna shyqty.
Eseli eńbegi úshin Qazaq KSR-iniń eńbek sińirgen zańgeri ataǵyn alyp, «Qurmet Belgisi», «Halyqtar dostyǵy» ordenderimen, birneshe medalmen jáne Joǵarǵy Keńestiń Qurmet gramotalarymen marapattaldy. Qoǵamdyq ómirden qol úzbeı Jambyl oblysynyń soǵys jáne eńbek ardagerleri keńesin basqardy. Qazaq KSR-niń burynǵy prokýrory О́.Seıitov «О́mir ótkelderinde» atty kitabynda ony joǵary bilikti zańger, jaqsy dos dep atap ótken.
Sondaı-aq, Mańǵystaý oblysynyń burynǵy prokýrory R.Ǵubaıdýllın de óziniń «Ádilet joly» kitabynda B.Tursynovty uıymdastyrýshylyq qabileti mol, óz kásibiniń naǵyz mamany dep kórsetken.
Barıan Turysynuly kóptegen shákirt tárbıeledi. Olar tálimgerleriniń esimin áli kúnge úlken maqtanyshpen eske alady.
Jambyl oblysy prokýratýrasynda Barıan Tursynovtyń murajaıy qurylǵan. Taraz qalasynda onyń atynda bir kóshe bar. Ol zańdylyq pen quqyqtyq tártiptiń nyǵaıýyna eren eńbek sińirip, ózi qyzmet etken aımaqtardyń áleýmettik-ekonomıkalyq, mádenı órkendeýine belsene aralasty.
Bar ǵumyryn ádilettiń aq jolyna arnaǵan atam, mine osyndaı erekshe adam.
Iá, abzal tulǵanyń jarqyn beınesi ony biletinderdiń jadynda árdaıym saqtala bermek.
Aıdos TURSYNOV,
Shyǵys Qazaqstan oblystyq prokýratýrasynyń
aǵa prokýrory.
