Qurlyq áskerleri Áskerı ınstıtýtynyń kýrsanttary Almaty qalasyndaǵy №1 balalar úıiniń tárbıelenýshilerimen kezdesý ótkizdi. Kezdesý kezinde jetim balalarǵa syılyqtar tapsyrylyp, qyzyqty konserttik baǵdarlamalar usynyldy.
Qurlyq áskerleri Áskerı ınstıtýtynyń kýrsanttary Almaty qalasyndaǵy №1 balalar úıiniń tárbıelenýshilerimen kezdesý ótkizdi. Kezdesý kezinde jetim balalarǵa syılyqtar tapsyrylyp, qyzyqty konserttik baǵdarlamalar usynyldy.
Qorǵanys mınıstrligine qarasty áskerı mamandar daıarlaıtyn oqý ordasynyń 1-3 kýrs kýrsanttary Baǵanashyldaǵy №1 balalar úıiniń fýtbol komandasyna qajetti sport kıimderi men beıne jáne aýdıo apparatýralaryn syıǵa tartty. Sonymen birge, ınstıtýttyń kórkemónerpazdar ujymy balalarǵa arnap, qyzyqty oıyn-saýyq baǵdarlamasyn ázirledi. Balalar aldynda «Stýdent kóktemi – 2013» jáne «Jas ulan» festıvaliniń jeńimpaz kýrsanttary, ınstıtýttyń kóńildi tapqyrlar klýby qurama komandasy, aqyn-kýrsanttar óz ónerlerin kórsetti.
Almaty qalasyndaǵy №1 balalar úıinde 3 jastan 18 jasqa deıingi 186 jasóspirim tárbıelenýde. Kýrsanttar mundaǵy tárbıelenip jatqan balalardyń qıyn taǵdyrlaryna qaramastan, óte meıirimdi ári bolashaqqa senimmen qaraıtyndyqtaryn atap ótti.
Bolashaq ofıserler atalǵan balalar úıiniń tárbıelenýshilerimen tez til tabysyp, joǵary synyp oqýshylaryn Qurlyq áskerleriniń Áskerı ınstıtýtyna qonaqqa shaqyrdy. Sondaı-aq, aı saıyn sporttyń ártúrinen birlesip jarystar ótkizip turýǵa sheshim qabyldandy.
«Egemen-aqparat».
